پوليتسەيلەر الماتىداعى جاپپاي توبەلەستىڭ ءمان-جايىن باياندادى
الەۋمەتتىك جەلىدە تاراعان ۆيدەودا بىرنەشە پوليتسيا قىزمەتكەرى ءبىرىن-ءبىرى جىققان ادامدار توبىنا اراشا ءتۇسىپ جاتقانىن كورۋگە بولادى.
الماتى قالالىق پوليتسيا دەپارتامەنتىنىڭ مالىمەتىنشە، وقيعا كەشە تۇندە قالانىڭ اۋەزوۆ اۋدانىندا بولعان. «102» پۋلتىنە اباي داڭعىلى مەن التىنسارين كوشەسىنىڭ قيىلىسىندا 5 ەر ادامنىڭ توبەلەسىپ جاتقانى تۋرالى حابارلاما تۇسكەن.
«قوڭىراۋ بويىنشا ءبىرىنشى بولىپ ۋچاسكەلىك پوليتسيا ينسپەكتورلارى جەتتى، ارتىنشا پاترۋلدىك پوليتسيانىڭ ەكيپاجى باردى.
توبەلەسىپ جاتقاندار ءتارتىپ ساقشىلارىنا بەلسەندى قارسىلىق كورسەتتى. ولار الكوگولدىك ماساڭ كۇيدە بولدى. بارلىعى بولىمشەگە جەتكىزىلدى. اتالعان دەرەك بويىنشا ق ر قىلمىستىق كودەكسىنىڭ 293-بابىنا سايكەس سوتقا دەيىنگى تەرگەۋ باستالدى»، - دەيدى اۋەزوۆ اۋداندىق پوليتسيا باسقارماسىنا قاراستى پوليتسيا ءبولىمىنىڭ باستىعى ەدىلحان بايعارايەۆ.
