تۇڭعىش پرەزيدەنت تۋرالى زاڭنىڭ كۇشى قاشان جويىلادى
بۇل تۋرالى ءماجىلىس دەپۋتاتى ەرلان سايروۆ ايتتى، دەپ حابارلايدى قازاقپارات ءتىلشىسى.
«كونستيتۋتسيادان ەلباسى جونىندەگى پۋنكتەر الىندى عوي. قازىر ەلىمىزدىڭ زاڭدارىن اتا زاڭعا سايكەستەندىرۋ جۇمىستارى ءجۇرىپ جاتىر»، - دەدى ەرلان سايروۆ قازاقپارات ءتىلشىسىنىڭ سۇراعىنا جاۋاپ بەرە وتىرىپ.
ونىڭ ايتۋىنشا، بۇل جۇمىستاردىڭ اياسىندا «تۇڭعىش پرەزيدەنت - ەلباسى» تۋرالى زاڭ قازىر ءماجىلىستىڭ پروفيلدى كوميتەتتەرىندە قارالىپ جاتىر.
«جىلدىڭ اياعىنا دەيىن ءماجىلىستىڭ جالپى وتىرىسىنا ق ر تۇڭعىش پرەزيدەنت تۋرالى زاڭنىڭ كۇشىن جويۋ ماسەلەسى داۋىسقا قويىلاتىن بولادى»، - دەدى دەپۋتات.
