شەتەلدە ءجۇرىپ قازاقستان پاسپورتىن الاتىن ازاماتتار ءتىزىمى كەڭەيتىلمەك

اشىق ن ق ا پورتالىندا جاريالانعان بۇيرىق جوباسىنا قاراعاندا، بۇگىندە قازاقستاننىڭ شەت ەلدەردەگى مەكەمەلەرى بۇل قىزمەتتى قازاقستان رەسپۋبليكاسىنان تىس جەردەلەردە تۇراقتى تۇراتىن؛ شەت مەملەكەتتەردىڭ اۋماعىندا ورنالاسقان وقۋ ورىندارىندا كۇندىزگى وقىتۋ نىسانى بويىنشا ءبىلىم الاتىن؛ شەت مەملەكەتتەردە ەڭبەك شارتى بويىنشا جۇمىس ىستەيتىن؛ كورسەتىلگەن ادامدارمەن بىرگە تۇراتىن وتباسى مۇشەلەرىنە؛ شەتەلدەگى ديپلوماتيالىق قىزمەت پەرسونالىمەن بىرگە تۇراتىن ديپلوماتيالىق قىزمەت پەرسونالىنىڭ تۋىستارىنا؛ جاسىنىڭ ەگدە تارتۋىنا بايلانىستى وزىنە-ءوزى كۇتىم جاساۋعا قابىلەتسىز ادامدارعا (قارتتار) جانە تىنىس-تىرشىلىگىن شەكتەيتىن تۇراقتى اعزا فۋنكسيالارىنىڭ اۋىتقۋلارىمەن دەنساۋلىعىندا بۇزۋشىلىق بار ادامدارعا كورسەتەدى.

ەندى ەلشىلىكتەر مىنا ساناتتاعى ازاماتتارعا دا قىزمەت كورسەتەتىن بولادى:

قازاقستان رەسپۋبليكاسىنان تىس جەرلەردە تۋعان جاعدايدا كامەلەتكە تولماعاندارعا؛

قازاقستان رەسپۋبليكاسىنان تىس جەرلەردە تۇراتىن شەتەلدىكتىڭ وتباسى مۇشەلەرى بولىپ تابىلاتىندارعا؛

وزىنە-ءوزى قىزمەت كورسەتە المايتىن جاقىن تۋىستارىن كۇتۋدى جۇزەگە اسىراتىن ادامدارعا؛

شەت مەملەكەتتىڭ اۋماعىندا ۇستالعاندارعا نەمەسە كۇزەتپەن ۇستالاتىندارعا، قاماۋعا الىناتىندارعا، سونداي-اق پەنيتەنتسيارلىق مەكەمەلەردە جازاسىن وتەۋشىلەرگە.

بۇيرىق جوباسى 22- قاراشاعا دەيىن اشىق تالقىلاۋدا بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى