الماتى پوليسياسى كۇشەيتىلگەن رەجيمگە كوشتى
الماتى قالالىق پوليتسيا دەپارتامەنتىنىڭ مالىمەتىنشە، 9- قاراشادان باستاپ مەگاپوليس پوليتسياسى قىزمەتتىڭ كۇشەيتىلگەن نۇسقاسىنا كوشتى.
ءىس-شارانى وتكىزۋگە ۇلتتىق ۇلاننىڭ اسكەري قىزمەتشىلەرىمەن بىرگە پوليتسيا قىزمەتكەرلەرى جۇمىلدىرىلدى.
«ءتيىستى قوعامدىق ءتارتىپتى ساقتاۋ، كوشەلەردە جانە باسقا دا قوعامدىق ورىنداردا قۇقىق بۇزۋشىلىقتىڭ الدىن الۋ جانە جولىن كەسۋ ماقساتىندا ءىس-شارا اياسىندا قالا اۋماعىندا پوليتسيا جاساعىنىڭ، ونىڭ ىشىندە جاياۋ پاترۋلدەردىڭ سانى ارتادى. قۇقىق بۇزۋشىلىققا مۇلدەم توزبەۋشىلىك اياسىندا پوليتسيا قىزمەتكەرلەرى مەن اسكەري قىزمەتشىلەر كوشەلەردى، اۋلالاردى، الاڭداردى، ساياجايلاردى جانە باسقا دا قوعامدىق ورىنداردى ارالاپ ءجۇر»، - دەپ حابارلادى ۆەدومستۆودان.
بۇدان بولەك، ءتارتىپ ساقشىلارى كوشى-قون زاڭناماسىن، سونىڭ ىشىندە قۇرىلىس جانە ساۋدا سالالارىنداعى بۇزۋشىلىقتاردى انىقتاۋ ماقساتىندا تەكسەرۋلەر جۇرگىزۋدە.
«حابار-وشارسىز كەتكەن ادامداردى، قىلمىسكەرلەردى ىزدەستىرۋ، سونداي-اق بوتەننىڭ مۇلكىن ۇرلاۋ، پاتەر توناۋ، كولىكتى ايداپ اكەتۋ جانە تاعى باسقا اينالىساتىن قىلمىستىق توپتاردى اشكەرەلەۋ بويىنشا پ د- نىڭ جەدەل بولىمشەلەرىنىڭ جۇمىسى كۇشەيتىلدى. «قۇقىقتىق ءتارتىپ» جەدەل الدىن الۋ ءىس-شاراسى كريمينوگەندىك جاعدايدى جاقسارتۋعا، سونداي-اق قىلمىستار مەن قۇقىق بۇزۋشىلىقتاردىڭ الدىن الۋعا، جولىن كەسۋگە جانە ەسكەرتۋگە باعىتتالعان اۋقىمدى شارا»، - دەپ اتاپ ءوتتى پوليتسيادان.
