ا ق ش- تا ارالىق سايلاۋدىڭ العاشقى قورىتىندىسى شىقتى
العاشقى ناتيجە شىقتى، ءبىراق بۇل سايلاۋدا شەشۋشى رولگە يە بولۋى مۇمكىن نەگىزگى شتاتتاردىڭ تاعدىرى ءالى انىق ەمەس. بۇل تۋرالى قازاقپارات BBC اقپارات اگەنتتىگىنە سىلتەمە جاساپ حابارلايدى.
CBS تەلەكومپانياسىنىڭ بولجامىنشا، سايلاۋ ناتيجەسىندە وكىلدەر پالاتاسىندا باقىلاۋ رەسپۋبليكاشىلدارعا ءوتۋى مۇمكىن. قازىرگى ۋاقىتتا كونگرەسستىڭ ەكى پالاتاسىن دا پرەزيدەنت دجو بايدەننىڭ دەموكراتتارى باسىمدىققا يە.
قازىر پارلامەنتتە دەموكراتتار 220، ال رەسپۋبليكاشىلدار 212 ورىندى الىپ وتىر.
كوپشىلىككە قول جەتكىزۋ ءۇشىن پارتيا 218 ورىنعا يە بولۋى ءتيىس. ياعني، رەسپۋبليكاشىلدار جەڭىستى ءوز قولىنا الۋ ءۇشىن بۇل سايلاۋدا نەبارى التى ورىنعا ارتىق الۋى كەرەك.
سەناتقا كەلەتىن بولساق، الدىن الا جۇرگىزىلگەن ساۋالنامالار دەموكراتتار مەن رەسپۋبليكاشىلار شامامەن تەڭ كەلە جاتقانىن كورسەتەدى.
سايلاۋ تۇنىندەگى ءبىرىنشى ماڭىزدى ناتيجە - فلوريدا گۋبەرناتورى رون دەسانتيستىڭ جاڭا مەرزىمگە سايلانۋى (ول شتاتتى 2019-جىلدان بەرى باسقارادى).
CBS دەسانتيس جەڭىسكە جەتەدى، رەسپۋبليكاشىل سەناتور ماركو رۋبيو دا ءوز مانداتىن ساقتاپ قالادى دەپ بولجاپ وتىر.
اگەنتتىكتىڭ اريزوناداعى ءتىلشىسى سوفي لونگتىڭ ايتۋىنشا، بۇل ا ق ش- تىڭ ساياسي كارتاسىنداعى ەڭ ماڭىزدى شتاتتاردىڭ ءبىرى جانە وندا بۇكىل ەلدە بولىپ جاتقان پروتسەستەردى شاعىن ۇلگىدە كورۋگە بولادى.
مۇنداعى ينفلياتسيا ورتاشا امەريكاندىق دەڭگەيدەن جوعارى، باسقا شتاتتارعا قاراعاندا الدەقايدا وتكىر، كوشى-قون جانە قاۋىپسىزدىك پروبلەماسى بار (اريزونا مەكسيكامەن شەكارالاس).
سونىمەن قاتار، بۇل جەردە جاھاندىق جىلىنۋ سالدارى قاتتى سەزىلۋدە، ول قۇرعاقشىلىق پەن ورتتەن زارداپ شەگىپ وتىر.
اريزونا ءداستۇرلى تۇردە رەسپۋبليكالىق شتات بولدى، ءبىراق 2020-جىلى دجو بايدەن مۇندا تىم شامالى (جارتى پايىزدىق پۋنكتتەن از) باسىمدىقپەن جەڭدى.
بۇرىنعى پرەزيدەنت ترامپ جەرگىلىكتى سايلاۋ شەنەۋنىكتەرىن داۋىس بەرۋدەن باس تارتۋعا كوندىرۋگە تىرىستى.
پەنسيلۆانيا - دەموكراتتار ءۇشىن دە، رەسپۋبليكاشىلدارعا دا داۋىس بەرە الاتىن تاعى ءبىر «قۇبىلمالى شتات».
بۇل جەردە باراك وباما ەكى رەت جەڭىسكە جەتكەن، ءبىراق 2016-جىلى سايلاۋشىلار حيللاري كلينتوندى ەمەس، ترامپتى قولدادى.
2020-جىلى ولار دجو بايدەنگە داۋىس بەرۋ ارقىلى دەموكراتتاردى تاعى دا قولدادى.
پەنسيلۆانيا گۋبەرناتورى قىزمەتى ءۇشىن تارتىس جولىنا وتستاۆكاداعى پولكوۆنيك، حريستياندىق فۋندامەنتاليزم قولداۋشىسى سەناتور داگ ماستريانو ءتۇستى.
ول ەگەر گۋبەرناتور بولىپ سايلانسا، ءوز شتاتىندا پرەزيدەنت سايلاۋىن كۋالاندىرۋ پروتسەسىن قاداعالايتىنىن ايتتى.
كونگرەستىڭ جوعارعى پالاتاسىنا تانىمال تەلەجۇرگىزۋشى، بۇرىنعى دارىگەر مەحمەت وز جانە دەموكرات دجون فەتتەرمان ۇمىتكەر.
پەنسيلۆانياداعى سايلاۋ ناتيجەلەرى بىرنەشە كۇننەن سوڭ بەلگىلى بولۋى مۇمكىن. بۇل داۋىس ساناۋدىڭ جەرگىلىكتى جۇيەسىنە بايلانىستى.
داۋىس ساناۋدىڭ العاشقى قورىتىندىلارىنا قاراعاندا، ازىرگە وز بەن فەتتەرمان شامامەن بىردەي داۋىس جيناپ جاتىر.
بۇل سايلاۋدىڭ ناتيجەسى دجو بايدەننىڭ الداعى ەكى جىلداعى پرەزيدەنتتىگىنە جانە ونىڭ ساياساتىنا، سونىڭ ىشىندە رەسەيدىڭ ۋكرايناداعى اگرەسسياسىنا قارسى تۇرۋعا قاتتى اسەر ەتەتىنى ءسوزسىز.
وكىلدەر پالاتاسىنىڭ بارلىق 435 مۇشەسى ەكى جىل سايىن قايتا سايلانادى. سوڭعى ەكى جىلدا دەموكراتتار پالاتادا باسىمدىققا يە بولدى.
بۇل ادەتتەگى جاعداي: جاڭا پرەزيدەنت سايلانعان كەزدە ونىڭ پارتياسى كونگرەسستىڭ ەكى پالاتاسىن دا باقىلاۋعا الادى.
