شىعىس قازاقستان وبلىسىندا قوس ازاماتتىعى بار ايەل انىقتالدى

ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ءتارتىپ ساقشىلارى قوس ازاماتتىعى بار ايەلدى انىقتادى. ول ءبىر جىلعا جۋىق ۋاقىت بويى قازاقستاننان جانە رەسەيدەن زەينەتاقى العان.

«التاي اۋدانىنىڭ پوليتسەيلەرى اۋدان اكىمدىگىمەن سالىستىرىپ تەكسەرۋ جۇرگىزۋ كەزىندە اتالعان فاكتىنى انىقتادى. 2021 -جىلى التاي قالاسىنىڭ 74 جاستاعى تۇرعىنى ر ف كراسنويارسك ولكەسى بويىنشا شەت مەملەكەتتىڭ ازاماتتىعىن العان. الايدا بۇل تۋرالى ىشكى ىستەر ورگاندارىنا نەمەسە قازاقستان رەسپۋبليكاسىنىڭ ءتيىستى مەكەمەلەرىنە حابارلاماعان. وسىلايشا ەكى ەلدەن دە زەينەتاقى تولەمدەرىن الىپ وتىردى»، - دەلىنگەن اقپاراتتا.

قازاقستاندىق قۇجاتتاردى پايدالانعانى ءۇشىن شەتەل ازاماتىن التاي اۋدانىنىڭ سوتى ق ر ا ق ب ت ك- ءنىڭ 496-بابى 2-بولىگىمەن 200 ا ە ك سوماسىندا ايىپپۇل سالۋ تۇرىندەگى اكىمشىلىك جاۋاپكەرشىلىككە تارتتى. قازىرگى ۋاقىتتا قۇجاتتارى الىنىپ، ق ر ازاماتتىعىنان ايىرىلدى.

ايتا كەتەيىك، ش ق و- دا جىل باسىنان بەرى ازاماتتىق تۋرالى زاڭنامانى بۇزعانى ءۇشىن 75 ادام جاۋاپقا تارتىلعان.

اۆتور

تالعاتجان مۇحامەتبەك ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى