اباي وبلىسىنىڭ اكىمدىگى ەكى كونە عيماراتقا قاتىستى تۇسىنىك بەردى
«جاقىندا وبلىستىق ولكەتانۋ مۇراجايى كوشىرىلەتىنى تۋرالى اقپارات تارادى.
بۇگىنگى تاڭدا مۇراجايدىڭ ورنىن اۋىستىرۋ نەمەسە ونى كوشىرۋ ماسەلەسى قاراستىرىلىپ وتىرعان جوق. مادەنيەت مەكەمەسى شتاتتىق رەجيمدە جۇمىس ىستەپ تۇر.
ال اعايىندى مۋسيندەر ديىرمەنى تاريحي عيماراتىنا كەلەتىن بولساق، ونىڭ ساقتالۋىن قامتاماسىز ەتۋگە ارنالعان تالقىلاۋ بارىسىندا عيماراتتى ودان ءارى پايدالانۋدىڭ، سونىڭ ىشىندە ونى قانداي دا ءبىر مادەني نەمەسە قوعامدىق نىسان رەتىندە قولدانۋعا قاتىستى كوپتەگەن نۇسقا قارالدى.
8-قاراشادا وبلىس اكىمى عيمارات يەلەرىمەن كەزدەستى.
وندا تاراپتار مەنشىك يەلەرى ءوز قاراجاتى ەسەبىنەن عيماراتتىڭ ساقتالۋىن قامتاماسىز ەتەدى دەگەن ۋاعدالاستىققا كەلدى. الداعى ۋاقىتتا تاريح ەسكەرتكىشتى ودان ءارى قولدانۋ جونىندە شەشىم قابىلدانادى»، - دەلىنگەن اباي وبلىسى قوعامدىق دامۋ باسقارماسىنىڭ Telegram-ارناسىندا جاريالانعان مالىمەتتە.
