قازاقستاندىقتاردىڭ موينىنداعى نەسيە قانشا تريلليون تەڭگەدەن اسادى

بۇل تۋرالى قازاقپارات قارجى نارىعىن رەتتەۋ جانە دامىتۋ اگەنتتىگىنە سىلتەمە جاساپ حابارلايدى.

«جەكە تۇلعالاردىڭ كرەديتتەرى 2022-جىلعى قىركۇيەكتە 2,5 پايىز ۇلعايىپ، 13,1 تريلليون تەڭگە بولدى (جىل باسىنان بەرى 21,6 پايىز ءوستى) جەڭىلدەتىلگەن مەملەكەتتىك يپوتەكالىق باعدارلامالاردى جالعاستىرۋ ناتيجەسىندە يپوتەكالىق كرەديتتەۋدىڭ 3,3 پايىز نەمەسە 4,3 تريلليون تەڭگەگە دەيىن ۇلعايعان. سونداي-اق، تۇتىنۋ قارىزدارىنىڭ 2,3 پايىز نەمەسە 7,2 تريلليون تەڭگەگە دەيىن وسكەن»، - دەلىنگەن اگەنتتىك حابارلاماسىندا.

ۆەدومستۆو دەرەگىنە سۇيەنسەك، 1- قازانداعى جاعداي بويىنشا، بانك سەكتورى بويىنشا وتەلمەگەن قارىزداردىڭ دەڭگەيى 802 ميلليارد تەڭگەگە جەتىپ، جالپى نەسيە پورتفەلىنىڭ 3,6 پايىزىن قۇراعان. بۇل كورسەتكىش باسىندا 3,3 پايىز نەمەسە 669 ميلليارد تەڭگە بولاتىن.

«شاعىن جانە ورتا بيزنەستى قوسا العاندا تۇلعالاردىڭ پورتفەلىندە تولەۋ مەرزىمى 90 كۇننەن ارتىق كەشىكتىرىلگەن قارىزداردىڭ ۇلەسى 3,5 پايىز نەمەسە 349 ميلليارد تەڭگە بولىپ وتىر. جەكە تۇلعالاردىڭ پورتفەلىندە بۇل كورسەتكىش 3,7 پايىز نەمەسە 453 م ميلليارد تەڭگە. جۇمىس ىستەمەيتىن قارىزداردى پروۆيزيالارمەن جابۋ 72,8 پايىزدى قۇرايدى»، - دەدى اگەنتتىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى