مامان ەربوسىن ۇلىنىڭ اۋىر حالىنە كىنالىنى اتادى
اڭگىمە بارىسىندا ول وتانداسىمىزدىڭ وسىنداي قيىن حالگە تۇسكەنىنە كىم جاۋاپتى ەكەنىن ايتتى.
ەربوسىن ۇلى مەن موررەل اراسىنداعى كەزدەسۋ 6- قاراشا كۇنى ا ق ش جەرىندە ءوتتى. بۇل كەزدەسۋدىڭ 12-راۋندىندا وتانداسىمىز نوكاۋتپەن جەڭىلدى. كەزدەسۋدەن كەيىن ونى حەننەپين ايماعىنداعى مەديتسينالىق ورتالىققا الىپ كەتىپ، جاساندى كوماعا جىبەردى.
«بۇل ارينە تراگەديا. كەزدەسۋدىڭ ءبىرىنشى مينۋتىنان-اق موررەلدىڭ مىقتى ەكەنى كورىندى. قازاقستاندىقتىڭ ەرىك-جىگەرىنە تاڭعالدىم. قانشا سوققى جىبەرسە دە، سوڭىنا دەيىن شىدادى. قاتەلىكتى ونىڭ باپكەرلەرى جاسادى. بىرىنشىدەن، ولاردىڭ داۆيدقا قارسى قۇرعان جوسپارى جۇمىس ىستەمەدى. ەكىنشىدەن، ايقاستىڭ التىنشى راۋندىنان كەيىن كەزدەسۋدى توقتاتۋ كەرەك ەدى. باپكەرلەر بوكسشىنىڭ جاعدايىن دۇرىس باعالاي المادى. سول ءۇشىن ايدوس زارداپ شەگۋدە.
مەنىڭ ويىمشا، بۇل جاعدايدان كەيىن جاقسى ەمدەلىپ شىقسا دا، ايدوسقا كەزدەسۋ وتكىزبەۋ كەرەك. كەيدە جەڭىلىستى مويىنداعان دا دۇرىس. مىقتى بولىپ قايتا ورالۋ ءۇشىن. ەربوسىن ۇلىنىڭ باپكەرلەرى بوكسشىنى بولاشاعىنان ايىردى»، - دەدى ماككافەرري.
