ەلىمىزدە پاتەرلەردى قايتا ساتۋ باعاسى ءوستى

بۇل تۋرالى قازاقپارات ۇلتتىق ستاتيستيكا بيۋروسىنا سىلتەمە جاساپ حابارلايدى.

اباتتاندىرىلعان تۇرعىن ءۇيدى جالعا الۋ تولەمى وتكەن جىلعى ءتيىستى ايمەن سالىستىرعاندا 2022-جىلعى قازاندا 54,2 پايىز ارتتى.

وڭىرلەر بولىنىسىندە جاڭا سالىنعان ۇيلەر جىلدىق ماندە اقتوبە قالاسىندا 30,3 پايىزعا، وسكەمەندە 26,3 پايىزعا، قوستانايدا 25,4 پايىزعا قىمباتتادى. قولدانىستاعى پاتەرلەر نارىعىندا باعا ءوسىمى تالدىقورعان (44,6 پايىز)، سەمەي (44 پايىز)، اقتاۋ (43,3 پايىز)، اقتوبە (42,4 پايىز) قالالارىندا قاتتى بايقالدى.

ال تۇرعىن ءۇيدى جالعا الۋ نارىعىندا بىلتىرعى قازانعا قاراعاندا باعا الماتى (89,7 پايىز)، قاراعاندى (64,2 پايىز)، قوستاناي (58,5 پايىز) قالالارىندا ايتارلىقتار كوتەرىلگەن.

ءبىر ايدىڭ ىشىندە (2022-جىلعى قىركۇيەككە قاراعاندا 2022-جىلعى قازاندا) قولدانىستاعى پاتەر باعالارى - 2,1 پايىز، جاڭا تۇرعىن ءۇيدى ساتۋ 0,9 پايىز ءوستى. اباتتاندىرىلعان تۇرعىن ءۇيدى جالعا الۋ تولەمى الدىڭعى ايمەن سالىستىرعاندا قازاندا 5,6 پايىز جوعارىلادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى