گولوۆكين مەن «كانەلو» ايدوس ەربوسىن ۇلىنا قولداۋ كورسەتتى

قازاقستاندىق بوكسشى گەننادي گولوۆكين دە وتانداسىنىڭ تەزىرەك ايىعىپ كەتۋىنە تىلەستەستىك ءبىلدىردى، دەپ حابارلايدى قازاقپارات Sports.kz رەسۋرسىنا سىلتەمە جاساپ.

«سەن ءۇشىن دۇعادامىن، باۋىرىم»، - دەپ جازدى«كانەلو» ءوزىنىڭ Instagram پاراقشاسىنداعى«ستوريسكە» قازاقستاندىق سپورتشىنىڭ سۋرەتىن جۇكتەپ.

ايتا كەتەيىك، ايدوس ەربوسىن ۇلى وسى جىلدىڭ كوكتەمىندە ساۋل الۆارەستىڭ سپاررينگ-سەرىگى بولعان.

«دەنىڭ ساۋ بولسىن، تەزىرەك جازىلىپ كەت، ايدوس. تۋىستارى مەن جاقىندارىنا سابىر بەرسىن»، - دەپ جازدى گەننادي گولوۆكين Instagram« ستوريسىنە».

ەسكە سالا كەتەيىك، وتكەن دەمالىس كۇندەرى سۋپەر ورتا سالماقتا WBA نۇسقاسى بويىنشا«تۇراقتى» الەم چەمپيونى تيتۋلى ءۇشىن وتكەن جەكپە-جەكتە ەربوسىن ۇلى كۋبالىق داۆيد موررەلدەن اۋىر نوكاۋت الىپ، جەڭىلىپ قالعان بولاتىن.

كەيىننەن اۋرۋحاناعا جەتكىزىلگەن ايدوستىڭ جاساندى كومادا جاتقانى بەلگىلى بولدى.

كۇنى كەشە عانا ونىڭ كومادان شىققانى حابارلانعان ەدى. دارىگەرلەردىڭ ايتۋىنشا، ايدوستىڭ ومىرىنە ءقاۋىپ ءتونىپ تۇرعان جوق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى