سۋسىندى «ترۋبكامەن» ىشۋگە بولمايدى. نەگە؟

ءشول قاندىرۋعا دا بولادى ءبىر جاعىنان. الايدا اقش عالىمدارىنىڭ ايتۋىنشا سۋسىندى بۇلاي ىشۋگە بولمايدى. ونىڭ بىرنەشە زيانى بار كورىنەدى.

امەريكا ماماندارى The Washington Post باسىلىمىنا بەرگەن سۇحباتىندا تۇتىكشەمەن سۋسىن مەن سۋ ءىشۋدىڭ مىنانداي زيانى بارى ايتىلادى.

بىرىنشىدەن، تۇتىكشەمەن بىرگە ىشكە، اسقازانعا قاراي كوپ اۋا كىرەتىن كورىنەدى. تۇتىكشەمەن سۋسىن ءىشۋدى ادەتكە اينالدىرعان ادامنىڭ اسقازانى اەروفاگياعا ۇشىراپ اۋرۋعا شالدىعۋى مۇمكىن.

ەكىنشىدەن، تۇتىكشەمەن سۋسىن ىشكەن ادام قالاي كوپ سۇيىقتىق ءىشىپ قويعانىن بايقاماي قالادى. ال قازىرگى سۋسىنداردا قانت پەن بوياعىش قوسپالار كوپ قوسىلاتىندىقتان، ادامعا زيانى شاش- ەتەكتەن. ارتىق كالوريا مەن سالماق، ماي جينالۋعا سەبەپ بولادى.

ۇشىنشىدەن، ەرىن مەن يەك ماڭايىن ءاجىم باسۋى مۇمكىن.

تۇتىكشەمەن سۋسىن ءىشۋ ارقىلى ءتىستى تىسجەگىدەن امان ساقتاۋعا بولادى دەسەدى. الايدا ءتىستى امان ساقتاۋدىڭ ەڭ وڭاي جولى - ول قانتى جوق سۋسىن ءىشۋ. وسىمەن تۇتىكشەمەن سۋسىن ءىشۋدىڭ بۇل ءتورتىنشى زيانى بولماق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى