حالىققا ساتىلاتىن «قازمۇنايگاز» اكسياسىنىڭ باعاسى قانشا

بۇل تۋرالى بريفينگىدە «سامۇرىق-قازىنا» ا ق باسقارما ءتوراعاسى الماسادام ساتقاليەۆ ءمالىم ەتتى، دەپ حابارلايدى قازاقپارات ءتىلشىسى.

«سامۇرىق-قازىنا» قورىنا «قازمۇنايگاز» اكسيونەرلىك قوعامىنىڭ 90,42 پايىز اكسياسى تيەسىلى. وسى ورايدا قور «قازمۇنايگازدىڭ» 30505974 جاي اكسيالارىن ساتۋعا نيەتتى. بۇل جالپى شىعارىلعان جانە ورنالاستىرىلعان اكسيالاردىڭ شامامەن 5 پايىزىن قۇرايدى. وسىلايشا، «سامۇرىق- قازىنا» قورىنا «قازمۇنايگاز» اكسيونەرلىك قوعامىنىڭ كەم دەگەندە 85 پايىزى تيەسىلى بولادى. 5,1 تريلليون تەڭگە كولەمىندەگى كاپيتال قۇنىن ەسكەرە وتىرىپ، ۇسىنىس شەڭبەرىندەگى ءبىر جاي اكسيانىڭ باعاسى شامامەن 8406 تەڭگە بولادى»، - دەدى الماسادام ساتقاليەۆ.

ونىڭ ايتۋىنشا، اكسيالاردى ساتىپ الۋعا نيەتتى ينستيتۋتسيونالدىق ينۆەستورلاردان ءوتىنىم قابىلداۋ 9-30- قاراشا ارالىعىندا جۇرگىزىلەدى. ال بولشەك ينۆەستورلاردىڭ ءوتىنىمى 2- جەلتوقسانعا دەيىن قابىلدانادى.

الماسادام ساتقاليەۆتىڭ مالىمەتىنشە، مۇنداي باستامانى پرەمەر-مينيستر ءتوراعالىق ەتەتىن ەكونوميكانى مودەرنيزاتسيالاۋ جونىندەگى مەملەكەتتىك كوميسسيا ۇسىنعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى