ۋكرايناداعى قازاقستان ازاماتتارىنىڭ ناقتى سانى ءالى بەلگىسىز –س ءى م
«وكىنىشكە قاراي، قازىرگى جاعدايدا ول ەلدەگى قازاقستان ازاماتتارىنىڭ ناقتى سانى تۋرالى اقپارات جيناۋ قيىن. ويتكەنى ەۆاكۋاتسيالاۋدىڭ العاشقى تولقىنىندا، كوكتەمدە ونداعى قازاقستاندىقتار تۋرالى ناقتى اقپاراتتى بىلگەن ەدىك. سول كەزدە الىپ شىققان ازاماتتاردىڭ كەيبىر بولىگى ۋكرينا اۋماعىنا قايتىپ باردى، قايتادان قازاقستاننان شىعىپ كەتتى جانە قازاقستان ەلشىلىگىنە وزدەرىنىڭ ورنالاسقان ورنى تۋرالى مالىمدەگەن جوق. سوندىقتان ناقتى سانىن ءبىز اتاي المايمىز. ءبىزدىڭ كونسۋلدىققا شىققاندارعا ۋكراينا اۋماعىنان شىعۋ جولدارىن ۇسىنامىز. ءبىراق ولار باس تارتادى. «وسىندا قالامىز» دەيدى. ءبىز ولاردى ماجبۇرلەي المايمىز. ولار سوندا ءومىر سۇرەدى. جۇمىستارى بار، وتباسى سوندا»، - دەگەن مينيسترلىكتىڭ رەسمي وكىلى قازىر ۋكراينانىڭ رەسمي ورگاندارىنان انىق مالىمەت الۋ دا قيىن ەكەنىن اتاپ ءوتتى.
«ءبىز ازاماتتار كونسۋل ەسەبىنە تۇرعاندا عانا ناقتى سانىن ايتامىز. بەيبىت ۋاقىتتا دا بۇل پروبلەما بولىپ تابىلادى. ويتكەنى ازاماتتار باسقا ەلدىڭ اۋماعىندا ۇزاق مەرزىم بويى ءومىر سۇرگەندە ول تۋرالى مالىمدەۋ كەرەك ەمەس دەپ ەسەپتەيدى. ولار كىرىپ-شىعىپ جاتقاندارىن ايتپايدى. ادەتتە ءبىز جەرگىلىكتى بيلىكتەن مالىمەت الاتىنبىز. قازىرگى جاعدايدا ساندار ايىرماشىلىعى بولۋى مۇمكىن. ونى ەشكىم باقىلامايدى»، - دەدى ايبەك سماديار.
