قازاقستاندا قالعىسى كەلەتىن شەتەلدىكتەر ءۇشىن بەيىمدەۋ ورتالىقتارى اشىلا ما
«ەلىمىزدە مەملەكەتتىك ءتىلدى، قازاق حالقىنىڭ ءداستۇرى مەن مادەنيەتىن ۇيرەنگىسى كەلەتىندەر ءۇشىن 40 دوستىق ۇيىندە جۇمىس ىستەيتىن 174 جەكسەنبىلىك مەكتەپتە مەملەكەتتىك ءتىلدى تەگىن ۇيرەنۋگە جاعداي جاسالعان، وندا مەملەكەتتىك ءتىلدى ۇيرەنۋمەن قاتار، قازاق مادەنيەتى مەن ادەت- عۇرپىمەن تانىستىرۋ ءىسشارالارى وتكىزىلەدى. ميگرانتتار مەملەكەتتىك ءتىلدى اكىمدىكتەر جانىنداعى « ءتىل» وقۋ- ادىستەمەلىك ورتالىقتارىنىڭ بازاسىندا دا ۇيرەنە الادى.
«حالىقتىڭ كوشى- قونى تۋرالى» زاڭدا كوشىپ كەلۋشىلەرگە، قانداستارعا بەيىمدەۋ جانە ينتەگراتسيالاۋ ورتالىقتارىندا اقىلى بەيىمدەۋ جانە ينتەگراتسيالىق قىزمەتتەر الۋ قۇقىعىن بەرەتىن نورما قاراستىرىلعان»، - دەپ اتاپ وتەدى ۇكىمەت باسشىسى.
ءماجىلىس دەپۋتاتتارىنىڭ ساۋالىندا كەلۋشىلەردىڭ قازاقستاندا قالۋعا نيەت بىلدىرگەن ازاماتتارى ءۇشىن قالالار مەن ەلدى مەكەندەردە بەيىمدەۋ ورتالىقتارىن اشۋ ۇسىنىلعان. دەپۋتاتتاردىڭ پايىمىنشا، بۇل ورتالىقتاردا ولارعا قازاقستان تاريحىمەن، مادەنيەتى مەن تۇرمىس- سالتىمەن، سالت- ءداستۇرى مەن ادەت- عۇرپىمەن تانىستىرۋ قاجەت.
قازاقستان رەسپۋبليكاسىنىڭ كونستيتۋتسياسى مەن زاڭدارىن ءتۇسىندىرىپ، قۇقىقتىق كەڭەس بەرۋ كەرەك.
سونىمەن قاتار قازاق ءتىلى كۋرستارىن اشىپ، ءاربىر كوشىپ كەلگەن شەتەل ازاماتىن بەيىمدەۋ ورتالىعىنان ءوتۋدى مىندەتتەگەن ءجون.
