بەيجىڭ مارافونىندا قانداسىمىز توپ جاردى

بيىل وسىمەن 40-رەت وتكىزىلىپ وتىرعان بەيجىڭ مارافونى قىتايدا «ۇلتتىق مارافون» رەتىندە تانىمال. پاندەمياعا بايلانىستى توقتاپ قالعان اۋقىمدى شارا بيىل قايتا جانداندى. بەيجىڭدەگى تيانانمەن الاڭىنان باستالىپ، وليمپيادا ساياباعىنان اياقتالاتىن جارىس جولىن قانداسىمىز 2 ساعات 14 مينۋت 34 سەكۋندتا جۇگىرىپ وتكەن. بۇل بەيجىڭ مارافونىندا قىتايلىق سپورتشىلاردىڭ 20 جىلدان كەيىن العاش رەت جەڭىس تۇعىرىنا كوتەرىلۋى سانالادى.

حالىقارالىق جەڭىل اتلەتيكا فەدەراتسيالارىنىڭ چەمپيوناتى مارتەبەسىنە قول جەتكىزگەن بەيجىڭ مارافونى 1981 -جىلدان بەرى وتكىزىلىپ كەلەدى. شارىقتاۋ كەزەڭىندە، مىسالى 2019 -جىلى بەيجىڭ مارافونىندا سىنعا تۇسۋگە 160 مىڭ تىركەلگەن ەدى. ەلدەگى قاتاڭ لوكداۋن رەجيمىنە بايلانىستى بيىل مارافونعا قاتىسۋشىلاردىڭ سانىنا شەكتەۋ قويىلىپ، جاسى جيىرمادان اسقان بەيجىڭ تۇرعىندارىنىڭ قاتىسۋىنا عانا رۇقسات بەرىلگەن. سوعان قاراماستان بيىلعى سىنعا 30 مىڭ ادام قاتىستى.

اۆتور

ەرلان مازان

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى