بوكستان ازيا چەمپيوناتىندا قازاقستان قورجىنىنا سەگىزىنشى مەدال ءتۇستى

ريو وليمپياداسىنىڭ قولا جۇلدەگەرى د. شاكىموۆا باستاپقى كەزدەسۋىن ءۇندىستاندىق پۋدجامەن وتكىزدى.

ءبىرىنشى راۋندتا تورەشىلەردىڭ تورتەۋى جەڭىستى ءۇندىستاندىق بوكسشىعا بەرگەن. دەگەنمەن داريعا تارازى باسىن وزىنە اۋدارا ءبىلدى. كەرىسىنشە داريعا شاكىموۆانى قاۋسىرا قۇشاقتاي بەرگەن پۋدجا ەكى رەت ەسكەرتۋ الدى.

وسىلايشا، د. شاكىموۆا 70 كەلىگە دەيىنگى سالماقتا جارتىلاي فينالعا شىقتى. بۇل - كەمىندە قولا جۇلدە قولدا دەگەن ءسوز.

تاعى ءبىر قازاقستاندىق، ەل چەمپيونى ايدا ابىكەيەۆا 63 كەلىگە دەيىنگى سالماقتا جاپونيالىق كيتو مايمەن شەبەرلىك بايقاستى.

بۇل جەكپە- جەك وتە تارتىستى ءوتىپ، تورەشىلەر 3:2 ەسەبىمەن جەڭىستى جاپونيالىق بوكسشىعا بەردى. ءسويتىپ ا. ابىكەيەۆا جارتىلاي فينالعا شىعا الماي، جۇلدەسىز قالدى.

سونىمەن قاتار بۇگىن الەم جانە ازيا چەمپيونى ۆالەنتينا حالزوۆانىڭ جولى بولمادى. ول 75 كەلىگە دەيىنگى سالماقتا ءۇندىستاندىق لوۆلينا بورگوحايننان ۇتىلىپ قالدى.

ەسكە سالا كەتەيىك، بۇدان بۇرىن ازيا چەمپيوناتىندا 19 جاستاعى سانجار تاشكەنبايدىڭ وزبەكستاندىق بوكسشىنى ۇتقانىن جازعان بولاتىنبىز.

ازيا چەمپيوناتىندا قازاقستاندىق 6 بوكسشىنىڭ رينگكە شىعاتىنى حابارلاندى.

سونداي- اق جازيرا وراقبايەۆا جارتىلاي فينالعا جولداما الدى.

جاينا شەكەربەكوۆا ازيا چەمپيوناتىنىڭ جارتىلاي فينالىنا ءوتتى.

كارينا يبراگيموۆا جۇلدەگەرلەر قاتارىنا قوسىلدى.

ساكەن بيبوسىنوۆ ازيا چەمپيوناتىنىڭ جارتىلاي فينالىنا شىقتى.

ساكەن بيبوسىنوۆ فينالعا شىعۋ ءۇشىن ءوزى سياقتى الەم چەمپيونى، جاپونيالىق تومويا تسۋبويمەن تالاسادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى