قاجىمۇقان مەن شۇبار اۋىلدارىنا قاتىنايتىن اۆتوبۋستار ەلدى مەكەن ىشىنە كىرەتىن بولدى

بۇل تۋرالى قازاقپارات ءتىلشىسى «City Transportation Systems» كومپانياسىنا سىلتەمە جاساپ حابارلايدى.

«5-قاراشادان (سەنبى) باستاپ، كولىكتىك قىزمەتتى جاقسارتۋ ماقساتىندا قالا ماڭىنا قاتىنايتىن № 310 جانە № 318 باعدارلارىنىڭ قوزعالىس سىزباسى وزگەرەدى. اتاپ ايتقاندا، № 310 باعدار قاجىمۇقان اۋىلىنا كىرىپ جۇرەدى جانە اۋىل ىشىندەگى ايالدامالارعا جاڭا قوزعالىس سىزباسىنا سايكەس قىزمەت كورسەتەتىن بولادى. سونىمەن قاتار، № 318 باعدارىنداعى اۆتوبۋستار شۇبار اۋىلىنا كىرىپ جۇرەتىن بولادى جانە اۋىل ىشىندەگى ايالدامالارعا قوزعالىس سىزباسىندا سايكەس قىزمەت كورسەتەتىن بولادى»، - دەلىنگەن كومپانيا تاراتقان حابارلامادا.

قوسا كەتسەك، بۇعان دەيىن اتالعان كومپانيا استانا اۆتوبۋستارىندا 1 مىڭنان استام جۇرگىزۋشى جەتىسپەيتىنىن مالىمدەگەن ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى