قازاقستاندىق بوكسشى ا ق ش- تا الەم چەمپيونى اتاعى ءۇشىن جەكپە- جەك وتكىزەدى

ايدوس ەربوسىن ۇلى (16-0,11 ك و) مەن كۋبالىق داۆيد موررەل (7-0, 6 ك و) جۇدىرىقتاسادى، دەپ حابارلايدى قازاقپارات.

ايدوس ەربوسىن ۇلى — موررەل جەكپە- جەگىنىڭ تىكەلەي كورسەتىلىمى استانا ۋاقىتى بويىنشا ساعات 08:00-دە باستالادى، «حابار» تەلەارناسىندا كورسەتىلەدى.

ءبىر كۇن بۇرىن بوكسشىلار جەكپە- جەك الدىندا سالماق ولشەۋ راسىمىنەن ءوتتى.

ايدوس ەربوسىن ۇلى سوڭعى رەت رينگكە ءبىر جىلدان استام ۋاقىت بۇرىن، 2021 -جىلدىڭ قىركۇيەگىندە شىقتى. وندا ول استانادا گايانا سپورتشىسى لەننوكس اللەنمەن (22-2-1, 14 ك و) جەكپە- جەك وتكىزىپ، ونىنشى راۋندتا نوكاۋتپەن جەڭىسكە جەتكەن بولاتىن. دەۆيد موررەلگە كەلەتىن بولساق، كۋبالىق بوكسشى ماۋسىم ايىندا جەكپە- جەك وتكىزىپ، ءتورتىنشى راۋندتا امەريكالىق كەلۆين حەندەرسوندى (15-2-1, 11 ك و) نوكاۋتقا جىبەرگەن ەدى.

ايتا كەتەيىك، وبەرحاۋزەندەگى بوكس كەشىنىڭ اندەركارتىندا قازاقستاندىق بوكسشى ابىلايحان ءجۇسىپوۆ (2-0, 1ك و) ونەر كورسەتەدى، ول امەريكالىق بوكسشى دەماركۋس لەيتونمەن (8-3-1, 5 ك و) جۇدىرىقتاسادى. ولاردىڭ جەكپە- جەگى جارتىلاي ورتا سالماقتا وتەدى جانە التى راۋندقا جوسپارلانعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى