قازاقستاندا جاڭا حالىقارالىق اۋە باعىتتار پايدا بولادى

بۇل رەيستەردىڭ مۇمكىندىكتەرىن كەڭەيتىپ، جولاۋشىلار ءۇشىن جاڭا باعىتتاردى اشادى، دەپ حابارلايدى استانا اۋەجايىنىڭ باسپا ءسوز قىزمەتىنە سىلتەمە جاساپ.

بۇگىن «نۇرسۇلتان نازاربايەۆ حالىقارالىق اۋەجايى» ا ق باسقارما ءتوراعاسى داۋلەت حامزين كۇزگى- قىسقى ناۆيگاتسيانىڭ باستالۋىنا بايلانىستى ارنايى كولىك قىزمەتىندە الاڭنان تىس جۇمىس كەڭەسىن وتكىزدى. الداعى قىس مەزگىلىنە دايىندىق بارىسىمەن تانىستى.

اۋەجايدىڭ قىزمەتتەرى مەن بولىمشەلەرىندە كۇزگى- قىسقى ناۆيگاتسيا كەزەڭىندە، ونىڭ ىشىندە وتە تومەن تەمپەراتۋرا كەزىندە ۇشۋلاردىڭ قاۋىپسىزدىگى مەن جۇيەلىلىگىن جانە اۋە ايلاقتارىنىڭ ۇزدىكسىز جۇمىسىن قامتاماسىز ەتۋ بويىنشا دايىندىق شارالارى جۇرگىزىلۋدە.

اەرودرومنىڭ جاساندى بەتتەرىندە (ۇشۋ- قونۋ جولاقتارى، پەرروندار، تاكسي جولدارى) مۇز تۇزىلىمدەرىمەن كۇرەسۋ ءۇشىن حيميالىق رەاگەنتتەر جەتكىلىكتى مولشەردە، ءتىپتى مارجامەن ساتىپ الىندى.

ءوندىرىس پروتسەسىنە تارتىلعان اۋەجايدىڭ نەگىزگى قىزمەتتەرىنىڭ قىزمەتكەرلەرى كۇزگى- قىسقى كەزەڭدەگى قىزمەتتىڭ ەرەكشەلىكتەرى تۋرالى قاجەتتى بريفينگ الدى.

سونداي- اق اۋە ايلاعىنداعى سەرىكتەستەر رەيستەردىڭ جيىلىگىن ارتتىرىپ، كەيبىر باعىتتار بويىنشا جاڭا رەيستەر اشادى، سوندىقتان Turkish Airlines جەلتوقساننان باستاپ انكاراعا اپتاسىنا 2 رەت دۇيسەنبى جانە سارسەنبى كۇندەرى، 20-قاراشادان باستاپ SCAT رەيسىن اشادى. الماتى- استانا- ىستانبۇل باعىتى بويىنشا اپتاسىنا ءبىر رەت سەيسەنبى، جۇما جانە جەكسەنبى كۇندەرى، Fly Dubai قازاننان باستاپ دۋبايعا رەيستەردى اپتاسىنا 12 دەن 14 كە دەيىن ارتتىردى.

ايانا توعانبەك

Egemen.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى