الماتىدا ەسكى اۋەجايدى ءسۇرۋ جۇمىستارى باستالدى
اۋەجايدىڭ باسپا ءسوز قىزمەتىنەن حابارلاعانداي، نىساندى بۇزىپ، باسقا جاققا كوشىرۋ جۇمىستارىنا رۇقسات بەرەتىن بۇكىل قۇجات بار.
«نىساندى بۇزىپ، باسقا جاققا كوشىرۋ جۇمىستارى قوعامدىق تالقىلاۋدان كەيىن باستالدى. وعان رۇقسات بەرەتىن بارلىق قۇجاتتار بار. VIP تەرمينالدىڭ جاڭا عيماراتى احمەتوۆ كوشەسىنىڭ وڭتۇستىك- شىعىسىندا 420 مەتر جەردە بولادى، ۆيتراج، بەلۆەدەر ەلەمەنتتەرى سەكىلدى نەگىزگى مادەني ەلەمەنتتەر سول جەرگە كوشىرىلەدى. ءبىر بولشەك بويىنشا ۆيتراجدار مەن تەرەزە جاقتاۋلارى الىنىپ تاستالدى، ەلەمەنتتەردىڭ كوشىرمەسىن الۋ ءۇشىن قاسبەتتىڭ نەگىزگى ەلەمەنتتەرى بوياۋدىڭ كوپتەگەن قاباتتارىنان قولمەن تازارتىلدى. عيماراتتىڭ سيفرلىق ەگىزى جاسالدى»، - دەپ حابارلادى اۋەجايدان.
جاڭا تەرمينال 2024 -جىلدىڭ ءبىرىنشى توقسانىندا سالىنىپ ءبىتۋى كەرەك ەدى.
ءبىراق، VIP تەرمينالدىڭ مادەني مۇراسىن باعالاۋ بويىنشا حالىقارالىق ساراپتاما مەن قوعاممەن كەڭەسۋ جۇمىستارى جۇرگىزىلگەندىكتەن، قۇرىلىستى ءبىتىرۋ جۇمىسى 2024 -جىلدىڭ جازىنا اۋىستىرىلدى.
سونداي- اق الماتى اۋەجايىنىڭ باسپا ءسوز قىزمەتى قاراشا ايىنىڭ ورتاسىندا قاتىساتىن باسپا ءسوز ءماسليحاتىندا الماتى حالىقارالىق اۋەجايىنىڭ باسشىلىعى قالعان بارلىق سۇراقتارعا جاۋاپ بەرەتىنىن مالىمدەدى.
