تۇركىستان وبلىسىندا مال اراسىنان ىندەت شىقتى

كوكتەمگى جانە كۇزگى قان سىنامالارىن الۋ كەزىندە اۋداندا 290 مىڭنان اسا ءىرىقارا مەن ۋاق مال تەك- سەرىلگەن. ناتيجەسىندە التىنتوبە اۋىلدىق وكرۋگىنە قاراستى قارجان ەلدىمەكەنى مەن قىزىلاتا اۋىلىندا 7 باس ءىرى قارا مەن 31 باس ۋاق مالدان برۋ- سەللەز ىندەتى انىقتالدى. تۇركىستان وبلىستىق اۋماقتىق ينسپەكتسياسىنىڭ بيولوگيالىق قاۋىپسىزدىك ءبولىمى ماماندارىنىڭ ايتۋىنشا، اۋرۋ مال ارنايى ورىندا سويىلىپ، وڭدەلگەن. ال مالدىڭ يەلەرىنە وتەماقى تولەندى.

سونداي- اق ىندەت تابىلعان ۇيدەگى وزگە 155 ءىرىقارا مەن 997 ۋاق مال جانە 102 باس جىلقى ۋاقىتشا ورىندا وقشاۋلانعان. ولار ەكى قايتارا تەكسەرىلىپ، اۋرۋ انىقتالماعان جاعدايدا جايىلىمعا جىبەرىلەدى. ال ماماندار جاعداي كۇردەلەنسە، اۋىلدار تۇگەلدەي كارانتينگە جابىلۋى مۇمكىن ەكەنىن ايتادى. جالپى وبلىس بويىنشا 10-ايدا 76 مالدان برۋتسەللەز اۋرۋى انىقتالعان. سارىاعاش اۋدانىندا دا 5 ءىرى قارا مەن 24 باس قويدان اۋرۋ بەلگىلەرى تابىلدى.

مارات ءجۇنىسوۆ، وبلىستىق اۋماقتىق ينسپەكتسياسىنىڭ بيولوگيالىق قاۋىپسىزدىك ءبولىمى باسشىسى:

- قازىرگى تاڭدا وسى اۋرۋ انىقتالعان جەرلەردە 5 وشاق بولىپ بەلگىلىەنىپ، 5 وشاقتا شەكتەۋ بەلگىلەرى جۇمىستارى جۇرگىزىلىپ جاتىر. بۇل ەندى قاۋىپتى اۋرۋلاردىڭ قاتارىندا، ءبىراق سوزىلمالى اۋرۋ بولىپ ەسەپتەلەدى. بۇنى ەمدەمەيمىز سانيتارلىق سويۋعا جىبەرەمىز. وڭدەلەدى، قايناتىلعان شۇجىق ، تاعى باسقا تۋشونكا جاسالادى. ادامدار ەمدەلەدى، دەگەنمەن سوزىلمالى بولىپ قالىپ قويادى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى