بيىلدان باستاپ دوكتورانتۋراعا تۇسەتىندەر قازاق ءتىلىن مەڭگەرگەنىن راستايتىن سەرتيفيكات ۇسىنۋعا ءتيىس

ءتۇسۋ ەمتيحانىنا قاتىسۋعا ق ر ع ج ب م ۇلتتىق تەستىلەۋ ورتالىعىنىڭ app.testcenter.kz سايتىندا تىركەلۋگە بولادى.

دوكتورانتۋراعا ءتۇسۋ ءۇشىن تەك ءبىر جوعارى وقۋ ورنى مەن ءبىلىم باعدارلامالارىنىڭ ءبىر توبىن عانا تاڭداۋعا بولادى.

ەگەر تۇسۋشىگە بەرىلگەن وتىنىشكە (تەستىلەۋدى تاپسىرۋ قالاسى، ءبىلىم باعدارلامالارىنىڭ توبى، تەستىلەۋدى تاپسىرۋ ءتىلى) وزگەرىس ەنگىزۋ قاجەت بولعان جاعدايدا، وعان ءوتىنىش قابىلداۋ جۇيەسى جابىلعانعا دەيىن (18- قاراشاعا دەيىن) ءوتىنىشتى وڭدەۋ نەمەسە جويۋ مۇمكىندىگى بەرىلەدى.

تەستىلەۋ ورنى مەن ۋاقىتى تۋرالى اقپارات ءتۇسۋشىنىڭ جەكە كابينەتىندە 29- قاراشادا جاريالانادى.

«ءتۇسۋ ەمتيحانىنا ەسسە جازۋ، دوكتورانتۋراعا دايىندىق تەستى جانە ءبىلىم باعدارلاماسى توبىنىڭ بەيىنى بويىنشا ەمتيحان كىرەدى. جالپى، ءتۇسۋ ەمتيحانىنىڭ ەڭ جوعارى كورسەتكىشى - 100 بال، ونىڭ ىشىندە اڭگىمەلەسۋ - 20 بال، ەسسە - 10 بال، دوكتورانتۋرادا وقۋعا دايىندىعىن انىقتاۋعا ارنالعان تەست - 30 بال، بەيىنى بويىنشا ەمتيحان سۇراقتارى - 40 بال. ال مەملەكەتتىك ءبىلىم تاپسىرىسى بويىنشا كونكۋرسقا قاتىسۋ ءۇشىن جانە اقىلى نەگىزدە دوكتورانتۋراعا ءتۇسۋ ءۇشىن شەكتى بال - 75»، - دەپ اتاپ ءوتتى ق ر عىلىم جانە جوعارى ءبىلىم ۆيتسە-ءمينيسترى قۋانىش ەرعاليەۆ.

سونداي-اق بيىل العاش رەت دوكتورانتۋراعا ءتۇسۋ ءۇشىن شەت ءتىلىن ءبىلۋ سەرتيفيكاتىنان باسقا، قازتەست جۇيەسى بويىنشا مەملەكەتتىك ءتىلدى مەڭگەرگەنىن راستايتىن سەرتيفيكات ۇسىنۋ قاجەت.

ەرەجەنى بۇزعانى ءۇشىن تەستىلەۋگە جىبەرىلمەگەن، سونداي-اق اعىمداعى جىلى ناتيجەلەرى جويىلعان تۇلعالار دوكتورانتۋراعا ءتۇسۋ ەمتيحانىنا قايتا قاتىسۋعا جىبەرىلمەيتىنىن اتاپ وتكەن ءجون.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى