ۋكرايناداعى سوعىس: الەم قالاي كومەكتەسىپ جاتىر؟

«اگەنتستۆو. نوۆوستي» مالىمەتىنشە، سوت رەسەيدىڭ باقىلاۋىنداعى سيەۆاستوپولدە باتىپ كەتكەن كرەيسەردەن 17 ادام قازا تاپقانىن مالىمدەگەن. 13- ساۋىردە «ماسكەۋ» كرەيسەرى ۋكراينالىق نەپتۋن زىمىراندارىنىڭ سوققىسىنا ۇشىراعان ەدى. ال كەلەسى كۇنى كەمە باتىپ كەتتى.

زاپوروجە مەن دنەپروپەتروۆسكىدە جارىلىستار بولدى

زاپوروجەدەگى جارىلىستاردىڭ سەبەپتەرى ءالى بەلگىسىز. جەرگىلىكتى تۇرعىندارعا يران دروندارىنىڭ قالاعا قاراي قوزعالىپ جاتقانى ەسكەرتىلگەن.

الدىن الا مالىمەتتەر بويىنشا، دنەپروپەتروۆسكىدە اۋە قورعانىسى جۇمىس ىستەپ تۇر.

ۋكراينا 1138 ادامدى تۇتقىننان بوساتتى

«16- ناۋرىزدان باستاپ ۇيلەستىرۋ شتابىنىڭ اسكەري تۇتقىندارعا قاتىستى جۇمىسى اياسىندا 1138 ادامدى ازاماتتىق جانە اسكەري تۇتقىننان بوساتۋعا مۇمكىندىك تۋدى»، - دەدى ۋكراينانىڭ اسكەري تۇتقىندارعا قاتىستى ۇيلەستىرۋ شتابى وكىلى.

بۇگىن ۋكراينانىڭ جارتىسى جارىقسىز قالادى

ۋكراينانىڭ ون وبلىسىندا جانە كيەۆتە بۇگىن جارىقتى ءوشىرۋ جوسپارلانىپ وتىر. «ۋكرەنەرگو» باسپا ءسوز قىزمەتى مالىمەتىنشە، بۇل ەلەكتر جەلىسىندەگى جۇكتەمەنى ازايتۋ ءۇشىن قاجەت.

Microsoft ۋكرايناعا تەحنولوگيالىق كومەك كورسەتەدى

Microsoft كورپوراتسياسى ۋكراينانى قولداۋ شارالارىن 2023-جىلدىڭ سوڭىنا دەيىن جالعاستىرىپ، 100 ميلليون دوللارعا تەحنولوگيالىق كومەك كورسەتەدى. بۇل تۋرالى كومپانيانىڭ ۆيتسە-پرەزيدەنتى برەد سميت ۋكراينانىڭ سيفرلىق ترانسفورماتسيا ءمينيسترى ميحايل فەدوروۆپەن كەزدەسۋى بارىسىندا مالىمدەگەن.

تەحنيكالىق كومەك ارقاسىندا ۋكرايناداعى مەملەكەتتىك مەكەمەلەر، ماڭىزدى ينفراقۇرىلىم جانە باسقا سەكتورلار سيفرلىق ينفراقۇرىلىمدى تەگىن پايدالانۋدى جانە Microsoft-تا جۇمىس ىستەۋدى جالعاستىراتىنى اتاپ وتىلگەن.

G7 ەلدەرى ۋكرايناعا قىسقا دايىندالۋعا كومەكتەسۋگە شەشىم قابىلدادى

Spiegel مالىمەتىنشە، بيىل G7 گە ءتوراعالىق ەتەتىن گەرمانيانىڭ سىرتقى ىستەر ءمينيسترى اننالەنا بەربەك فورماتقا قاتىسۋشىلاردىڭ قىسقى كەزەڭدە ۋكرايناعا كومەك كورسەتۋى بويىنشا ۇيلەستىرىلگەن ارەكەتتەرىن جاريالاعان.

ال گەرمانيا تاراپىنان ۋكرايناعا ەلەكتر جۇيەسىن تۇراقتاندىرۋ ءۇشىن 100 دەن اسا گەنەراتور جىبەرىلگەن. سونىمەن قاتار، جىلىتقىشتار، سورعىلار، تۇرعىن جانە سانيتاريالىق كونتەينەرلەر، كەرەۋەتتەر، كورپەلەر مەن شاتىرلار جەتكىزىلگەن.

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى