الماتىدا الىپ بالا دۇنيەگە كەلدى

الماتىلىق ناتاليا الىپ بالانى دۇنيەگە اكەلدى.

ادەتتە، دارىگەرلەر بۇنداي ۇلكەن بالانى كەسار تىلىگى ارقىلى بوساندىراتىن بولعاندىقتان اكۋشەر- دارىگەرلەر وپەراتسيا توبىن دايىنداعان. الايدا وتا جاساۋدىڭ قاجەتى بولماعان، ءسابي ءۇش ساعاتتان كەيىن 5 كەلى 100 گرام سالماقپەن دۇنيەگە كەلگەن.

«ايەلدىڭ قاعاناق سۋى كوپ بولدى، مۇنداي جاعدايدا ءوزى بوسانعاندا انا مەن بالا ءۇشىن بەلگىلى ءبىر ءقاۋىپ بولادى. قاعاناق سۋىنىڭ كوپتىگى كەزىندە اسقىنۋ بولسا، كىندىك ءتۇسۋى مۇمكىن. ال بۇل ءوز كەزەگىندە شۇعىل تۇردە كەسار تىلىگى ارقىلى بوساندىرۋعا اكەلەدى. ۋلترادىبىستىق زەرتتەۋ كەزىندە ىشتەگى نارەستەنىڭ سالماعى 4600-4800 بولادى دەپ بولجانعان. كەنەت تولعاق قىسىپ، 1-قاراشادا تاڭعى ساعات 05:30-دا تابيعي جولمەن دۇنيەگە قىز بالا كەلدى»، - دەيدى الماتى №4-پەرزەنتحاناسىنىڭ اكۋشەر-گينەكولوگى اينۇر يمانقۇلوۆا.

بۇگىندە ناتاليا ۇيگە شىعۋعا دايىندالىپ جاتىر. قىزىنا داريا دەگەن ەسىم قويدى. بۇل - ناتاليانىڭ وتباسىنداعى ءتورتىنشى بالا.

«38 جاستامىن، ۇلكەن قىزىم 11 دە، ۇلىم 9 جاستا، سودان كەيىن 2,7 جاسار تاعى ءبىر ۇلىم بار. مىنە، داريا دەگەن قىزىم دۇنيەگە كەلدى. داريا - سىيلىق دەگەن سوزدەن شىققان. قۇداي بىزگە ءتورت بالا سىيلادى. مەنىڭ ۇلكەن قىزىم دا ءىرى سالماقپەن دۇنيەگە كەلدى - 4,1 كەلى. داشا دا سولاي. قىزىمدى دۇنيەگە اكەلۋگە كومەكتەسكەن دارىگەرلەرگە راقمەت»، - دەيدى الماتىلىق كوپبالالى انا.

دارىگەرلەردىڭ ايتۋىنشا، ىشتەگى نارەستەنىڭ ۇلكەن بولۋى قازىر ءجيى كەزدەسەتىن جاعداي.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى