ەنەرگەتيكالىق سۋسىندارعا تولىق تىيىم سالۋ ۇسىنىلدى
ءتيىستى زاڭ جوباسى قوعامدىق تالقىعا شىعارىلدى، دەپ حابارلايدى قازاقپاراتتىڭ مەنشىكتى ءتىلشىسى قىرعىز رەسپۋبليكاسى جوگوركۋ كەنەشكە سىلتەمە جاساپ.
قازىرگى ۋاقىتتا ەلدە كامەلەتكە تولماعاندارعا ەنەرگەتيكالىق سۋسىندار ساتۋعا تىيىم سالىنۋدا.
سونىمەن قاتار، قىرعىز ەلىنىڭ پارلامەنتشىلەرى ەرەسەك تۇرعىندار اراسىندا ەنەرگەتيكالىق سۋسىنداردى تۇتىنۋعا الاڭدايدى، ويتكەنى ولار سۋسىننىڭ دەنساۋلىعىنا قانداي قاۋىپ توندىرەتىنىن تولىق تۇسىنبەيدى.
ەنەرگەتيكالىق سۋسىنداردا تىتىركەنۋدى، الاڭداۋشىلىق، ۇيقىسىزدىق، جۇرەك سوعۋىن جانە باسقا دا جاعىمسىز جاعدايلاردى تۋدىراتىن ستيمۋلياتورلاردىڭ جەتكىلىكتى مولشەرى بار.
مۇنداي سۋسىنداردى شامادان تىس تۇتىنۋ جۇرەك- تامىر جانە جۇيكە جۇيەسىنىڭ، اسقازان- ىشەك جولدارىنىڭ اۋىر اۋرۋلارىنا اكەلۋى مۇمكىن.
ەنەرگەتيكالىق سۋسىنعا قولدانىلاتىن ستيمۋلياتورلار تاۋەلدىلىك تۋعىزادى.
ۇنەمى تۇتىناتىندار دوزانى جوعارىلاتقان سايىن قالاعان اسەرىن الا المايدى، سالدارىنان اشۋلانشاقتىق، شارشاۋ جانە دەپرەسسيا پايدا بولادى.
فوتو: كونكوۆ سەرگەي
اۆتور
سماعۇلوۆا ەركەجان
