د س م: تۇماۋعا ۇقساس ۆيرۋستار تارالىپ جاتىر
ەلىمىزدە تۇماۋدان باسقا تۇماۋعا ۇقساس ۆيرۋستار دا تارالۋدا. باسقا تۇماۋعا ۇقساس ينفەكسيالارعا 1202 سىناما تەكسەرىلدى. ونىڭ ىشىندە 254 سىنامادا (%21,1) وڭ ناتيجە انىقتالدى. اتاپ ايتقاندا، رينوۆيرۋس - 93، رس ۆيرۋس - 77، پاراگريپپ - 31، كوروناۆيرۋس - 20، ادەنوۆيرۋس - 17، بوكاۆيرۋس - 10، مەتاپنيەۆموۆيرۋس - 6، - دەپ اتاپ ءوتتى ۆەدومستۆو باسشىسى.
سونداي- اق ول تۇماۋعا قارسى قانداي شارالار اتقارىلعانىنا توقتالدى.
بيىل ەپيدەميالىق ماۋسىمدا تۇماۋ جانە جرۆي بويىنشا سانيتاريالىق- پروفيلاكتيكالىق، سانيتاريالىق- ەپيدەمياعا قارسى ءىس- شارالاردى جۇرگىزۋ ماقساتىندا 19-قىركۇيەكتە قازاقستان رەسپۋبليكاسىنىڭ باس مەملەكەتتىك سانيتاريالىق دارىگەرىنىڭ اعىمداعى ەپيدەميالىق ماۋسىمعا تۇماۋ جانە جرۆي بويىنشا سانيتاريالىق- پروفيلاكتيكالىق، سانيتاريالىق- ەپيدەمياعا قارسى ءىس- شارالاردى جۇرگىزۋ تۋرالى قاۋلىسىنا قول قويىلدى. وعان سايكەس مەديتسينالىق ۇيىمداردىڭ تۇماۋعا قارسى يممۋنداۋ ناۋقانىن وتكىزۋگە، تۇماۋمەن جانە جرۆي- مەن اۋىراتىن ناۋقاستاردى قابىلداۋعا دايىندىعى، سونداي- اق زەرتحانالاردىڭ تۇماۋعا جانە باسقا جرۆي- گە زەرتحانالىق زەرتتەۋلەر جۇرگىزۋگە دايىندىعى قامتاماسىز ەتىلدى، - دەدى روزا قوجاپوۆا.
