تەلەديدار قوسىپ ۇيىقتاۋدىڭ قانداي قاۋپى بار
الايدا بۇل ادەتتىڭ زيان تۇستارى دا بار، - دەپ حابارلايدى «رامبلەر».
سومنولوگتاردىڭ پىكىرىنشە، تۇنگى ۇيقى كەزىندە تەلەديداردان جاي دىبىس شىعىپ تۇرسا دا، ادامنىڭ بيولوگيالىق ساعاتى بۇزىلادى. تاجىريبە بارىسىندا ماماندار تەلەديدار ەكرانىنان شىعاتىن جاساندى جارىق مەتابوليزمگە اسەر ەتۋى مۇمكىن ەكەنىن انىقتاعان. بۇل ءوز كەزەگىندە ارتىق سالماق قوسىلۋىنا اكەپ سوعۋى مۇمكىن.
تەلەديدار الدىندا ۇيىقتاپ جاتقان ادامنىڭ اشتىق گورمونى - گرەليننىڭ ءوندىرىسى دە ارتادى. سوندىقتان ادام كوپ ءارى ءجيى تاماقتانعىسى كەلەدى. ال شامادان تىس تاماقتانۋ باسقا دا قاۋىپتى اۋرۋلاردى تۋدىرادى. ونىڭ ىشىندە سەمىزدىك، قانت ديابەتى جانە جۇرەك-قان تامىرلارى اۋرۋلارى بار.
ادام جيى تەلەديدار قوسىپ ۇيىقتاپ قالسا، تابەتتى باساتىن گورموندارى دا ازايادى. سونىڭ سالدارىنان سالماق قوسادى. ء بىر قىزىعى - عالىمدار شامنىڭ جارىعى تەلەديدار جارىعى سياقتى اسەر ەتپەيتىنىن بايقاعان. سوندىقتان ساراپشىلار قاراڭعىدا ۇيىقتاۋ ىڭعايسىز بولسا، جارىق شامىن قولدانۋعا كەڭەس بەرەدى.
