شاحتاداعى اپات: ەكى كەنشىگە وتا جاسالعالى جاتىر

لەنين شاحتاسىندا اپاتتان زارداپ شەككەن ءتورت ادام دا پروفەسسور ح. ج. ماقاجانوۆ اتىنداعى كوپسالالى اۋرۋحاناعا جەتكىزىلدى. ەكى كەنشى وپەراتسياعا دايىندالۋدا، قالعاندارىنىڭ جاعدايى تۇراقتى.

«زارداپ شەككەن ەكى ادام ميدىڭ اشىق جاراقاتىن العان جانە گازدان ۋلانعان. ەكەۋى دە وپەراتسياعا دايىندالۋدا. ونى ءبىر ساعات ىشىندە وتكىزۋ جوسپارلانۋدا. ولار ەسىن بىلەدى، الايدا جاعدايلارى اۋىر. جاراقاتتىڭ اۋىرلىعىن ەسكەرە وتىرىپ، بولجام جاساۋ ەرتە»، - دەدى ح. ج. ماقاجانوۆ اتىنداعى اۋرۋحانانىڭ مەديتسينالىق ءبولىمى ديرەكتورىنىڭ ورىنباسارى تالعات جۇكەن.

زارداپ شەككەن ەكى ادام توكسيكولوگيا بولىمىندە. ولار مەتان مەن كومىرتەگى توتىعىمەن اۋىر تۇردە ۋلانعان. جاعدايلارى تۇراقتى.

وسىعان دەيىن شاحتينسك قالاسىنداعى اۋرۋحاناعا كونسيليۋم وتكىزۋ ءۇشىن ساناۆياتسيامەن قۇرامىندا 2 نەيروحيرۋرگ جانە 2 رەانيماتولوگ بار ماقاجانوۆ اتىنداعى كوپسالالى اۋرۋحانا ماماندارىنان قۇرالعان بريگادا كەلىپ جەتكەنى تۋرالى حابارلانعان بولاتىن.

ەستەرىڭىزگە سالا كەتەيىك، بۇگىن تۇندە شاحتاد «ارسەلورميتتال تەمىرتاۋ» ا ق كومىر دەپارتامەنتىنىڭ لەنين اتىنداعى شاحتاسىندا اپات بولىپ، سالدارىنان 5 كەنشى قازا تاپتى.

ت ج فاكتىسى بويىنشا ق ر ق ك 277-بابىنىڭ 3-بولىگى بويىنشا قىلمىستىق ءىس قوزعالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى