قولدان جاسالعان قايىققا وتىرعان اتىراۋلىق سۋعا كەتتى

وبلىستىق توتەنشە جاعدايلار دەپارتامەنتى قوعاممەن بايلانىس توبىنىڭ مالىمەتىنشە، وقيعا قۇرمانعازى اۋدانىندا بولدى.

«ورلى اۋىلىنىڭ تۇسىندا 53 جاستاعى ەر ادام ساعات 18:30 شاماسىندا قولدان جاسالعان قايىقپەن شارون وزەنىنىڭ كەلەسى جاعالاۋىنا وتپەك بولعان. الايدا، قايىق اۋدارىلىپ، ەر ادام سۋعا باتىپ كەتتى. ونى ىزدەستىرۋ 1-قاراشادا باستالدى. ىزدەستىرۋ-قۇتقارۋ جۇمىستارىنا توتەنشە جاعدايلار دەپارتامەنتىنىڭ 7 قىزمەتكەرى، 1 ءجۇزۋ قۇرالى، 2 تەحنيكاسى تارتىلدى. ال جەرگىلىكتى ەلدىمەكەننىڭ 20 ادامى 2 تەحنيكا، 1 قايىقپەن، قۇرمانعازى اۋداندىق پوليتسيا ءبولىمىنىڭ 3 قىزمەتكەرى 1 تەحنيكامەن كومەككە كەلدى»، - دەپ حابارلادى دەپارتامەنتتىڭ قوعاممەن بايلانىس توبىنان.

بەلگىلى بولعانداي، شارون وزەنىنە باتىپ كەتكەن ەر ادامنىڭ دەنەسى ءالى تابىلعان جوق. ىزدەستىرۋ جۇمىستارى بۇگىن قايتا جالعاسادى.

«اتىراۋ وبلىسىنىڭ تۇرعىندارى مەن قوناقتارىنا وزەننەن وتەر كەزدە ساقتىق شارالارىن قاتاڭ ساقتاۋدى ەسكەرتەمىز. قولدان جاسالعان جۇزبەلى قۇرالداردى پايدالانباعان ءجون. ويتكەنى، بۇل وكىنىشكە ۇرىندىرار وقيعاعا سەبەپ بولۋى مۇمكىن»، - دەدى دەپارتامەنتتەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى