اتىراۋدا ءۇيدىڭ قورشاۋىنا سوعىلعان قوقىس تاسيتىن كولىكتى شەتەلدىك باسقارعان - ۆيدەو

سوت قاۋلىسىمەن ول 20 تاۋلىككە قاماۋعا الىنىپ، 7 جىل مەرزىمگە كولىك قۇرالىن باسقارۋ قۇقىعىنان ايىرىلدى، دەپ حابارلايدى قازاقپارات ءتىلشىسى.

رۋلدە بولعان وزبەكستان ازاماتىنا قاتىستى ءىس اتىراۋ قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان سوتىندا ق ر اكىمشىلىك قۇقىقبۇزۋشىلىق تۋرالى كودەكستىڭ 608-بابى 3-بولىگىمەن قارالدى.

«وزبەكستان رەسپۋبليكاسىنىڭ ازاماتى ك. الكوگولدىك ماساڭ كۇيدە «كاماز» ماركالى كولىك قۇرالىن باسقارعانى انىقتالدى. جۇرگىزۋشى كولىكپەن اۋەلى ەلەكتر باعاناسىنا سوعىلعان. سوققىنىڭ ەكپىنىمەن تۇرعىن ءۇيدىڭ شارباق قورشاۋىن بۇزىپ، اۋلادا تۇرعان جەڭىل كولىكتى بۇلدىرگەن.

«قۇقىق بۇزۋشى كىناسىن مويىندادى. سوت وتىرىسىندا سوتتالۋشىنىڭ كىناسى زەرتتەلگەن ءىس ماتەريالدارىمەن، اتاپ ايتقاندا، اكىمشىلىك قۇقىق بۇزۋشىلىق تۋرالى حاتتامامەن، جابىرلەنۋشىلەردىڭ ايعاقتارىمەن، مەديتسينالىق كۋالاندىرۋ قورىتىندىسىمەن، بەينەجازبامەن تولىق دالەلدەندى»، - دەپ حابارلادى اتالعان سوتتىڭ باسپا ءسوز قىزمەتىنەن.

سوت قاۋلىسىمەن وزبەكستان ازاماتى ك. اكىمشىلىك قۇقىق بۇزۋشىلىق جاساعانى ءۇشىن كىنالى دەپ تانىلدى. وعان 20 تاۋلىككە اكىمشىلىك قاماققا الۋ جانە 7 جىلعا كولىك قۇرالىن باسقارۋ قۇقىعىنان ايىرۋ تۇرىندەگى جازا تاعايىندالدى.

سوت قاۋلىسى زاڭدى كۇشىنە ەنگەن جوق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى