استانادا ەۋروپالىق فيلمدەر فەستيۆالى وتەدى

KINOPARK 8 سارىارقا كينوتەاترىندا وتەتىن شارانىڭ باعدارلاماسىنا ەۋرووداق مەملەكەتتەرىنىڭ رەجيسسەرلەرى تۇسىرگەن 9 ۇزدىك فيلم ەنگەن. ولار بەدەلدى حالىقارالىق كينوفەستيۆالدەردىڭ جەڭىمپازدارى مەن نومينانتتارى بولىپ تابىلادى، كوپشىلىگى بىرلەسكەن تۋىندىلار.

مسالى، فەستيۆالدى اشاتىن «مولەنبيك قۇدايلارى» فيلمى - فينليانديا، بەلگيا، گەرمانيانىڭ تۋىندىسى - نازىك الەمنەن ءمان ىزدەيدى، بالالىق پەن سەنىم كۇشى تۋرالى باياندايدى. بيىل قازاقستاندا بالالار جىلى دەپ جاريالانۋىنا بايلانىستى ءىس- شارا وسى تۋىندىمەن اشىلماق.

4-قاراشادا ساعات 19.00 دە فەستيۆالدى ەۋرووداقتىڭ قازاقستانداعى ەلشىسى كەستتۋتيس يانكاۋسكاس پەن بەلگيانىڭ قازاقستانداعى ەلشىسى انري ۆانتيگەم اشادى. شارا باسىرىسنداعى فيلمدەردىڭ دەنى ادامدار، ولاردىڭ كۇندەلىكتى ۋايىمدارى، ويلارى، ارماندارى، ورىندالماعان ۇمىتتەرى جانە الەمدىك ءتارتىپتىڭ زاڭدىلىقتارى تۋرالى.

7-قاراشادا گرەتسيا، فرانتسيا، سەربيا شىعارعان «ونىڭ جۇمىسى» («Her Job») فيلمى كورسەتىلەدى، پانايوتا كارتيناسىنىڭ كەيىپكەرى وتباسىمەن تىنىش ءومىر سۇرەدى، كۇندەلىكتى ءومىردىڭ تارتىبىنە باعىنادى، قيىن قارجىلىق جاعدايمەن كۇرەسەدى، ارماندايدى. وندا ءومىرىن وزگەرتۋگە كۇش تاباتىن ايەلدەردىڭ ۇجىمدىق بەينەسى دە بار. فيلم قيىن ومىرلىك جاعدايعا تاپ بولعان ايەل ماسەلەسىن قوزعايتىندىقتان، ول وسى ايدا وتەتىن گەندەرلىك زورلىق- زومبىلىققا قارسى 16 كۇندىك بەلسەندىلىككە ورايلاستىرىلعان. فيلم سوڭى گەندەرلىك زورلىق- زومبىلىققا قاتىستى تاقىرىپتاردى تالقىلاۋعا ۇلاسادى. بۇل پىكىرتالاسقا وسى فيلمنىڭ رەجيسسەرى نيكوس لابوت دا ونلاين رەجيمدە قاتىسادى.

فوتو: phonoteka.org

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى