قاپشاعاي سۋ قويماسىندا شاباقتار قىرىلىپ قالدى
بۇل جايىندا الەۋمەتتىك جەلىدە تاراعان ۆيدەودان بەلگىلى بولدى. وندا جۇزدەگەن ءولى شاباقتىڭ جاعاعا شىعىپ قالعانىن كورۋگە بولادى. كۋاگەرلەردىڭ ايتۋىنشا، بۇل جاعداي قاپشاعاي سۋ قويماسىنىڭ ارىستان تاۋى ماڭىندا بولعان.
وعان قاتىستى الماتى وبلىسىنىڭ پروكۋراتۋراسى تۇسىنىك بەردى.
«بۇل فاكتى بويىنشا بالقاش- الاكول وبلىسارالىق بالىق شارۋاشىلىعى ينسپەكسياسىنىڭ وكىلدەرىنەن، قورىقشىلار، قالالىق اكىمدىك پەن ەكولوگيا دەپارتامەنتى قىزمەتكەرلەرىنەن ۆەدومستۆوارالىق كوميسسيا قۇرىلدى. تەكسەرۋدەن كەيىن ءتيىستى باعا بەرىلەدى. 1-قاراشادا وسى ۋچاسكەدە «اينا سۋ» ج ش س 30 مىڭ شاباقتى سۋعا جىبەرگەن. الدىن الا مالىمەت بويىنشا، قاتتى داۋىل كەزىندە شاباقتاردىڭ ءبىر بولىگى جاعالاۋعا لاقتىرىلىپ قالعان» دەلىنگەن حابارلامادا.
ايتا كەتەيىك، ەكولوگيا، گەولوگيا جانە تابيعي رەسۋرستار مينيسترلىگىنىڭ قوعاممەن بايلانىس دەپارتامەنتىنىڭ ديرەكتورى ولجاس بەركىنبايەۆ بالىق شارۋاشىلىعى كوميتەتى ينسپەكتسياسىنىڭ ماماندارى ءمان- جايدى انىقتاۋ ءۇشىن سۋ ايدىنىنا بارعانىن جەتكىزدى.
«سونىمەن قاتار، نۇسقاۋلىققا سايكەس بارلىق مۇددەلى مەملەكەتتىك ورگاندار مەن ۇيىمدار ارنايى كوميسسيا قۇرۋ ءۇشىن حاباردار ەتىلدى. قوسىمشا اقپاراتتى ۋاقىتىمەن حابارلاپ وتىرامىز» دەيدى ول.
