استانادا اقشا بوپسالاۋمەن اينالىسقان جالعان پوليتسەي ۇستالدى
كۇدىكتى پوليتسيا دەپارتامەنتىنىڭ قىزمەتكەرلەرى جۇرگىزگەن ارنايى وپەراتسيا بارىسىندا ۇستالعان. 23 جاستاعى جىگىتتىڭ جەڭىل ءجۇرىستى قىزداردى قورقىتىپ، ولاردان اقشا العانى انىقتالدى. ول پوليتسيا قىزمەتكەرىنىڭ جالعان قىزمەتتىك كۋالىگىن كورسەتىپ، اقشانى قىلمىستىق جاۋاپكەرشىلىككە تارتامىن دەگەن جەلەۋمەن تالاپ ەتكەن.
پوليتسەيلەر جىگىتتى قالاداعى پاتەرلەردىڭ بىرىندە جابىرلەنۋشىدەن 20 مىڭ تەڭگە الىپ جاتقان جەرىنەن ۇستادى. جەكە ءتىنتۋ كەزىندە ودان پوليتسيا قىزمەتكەرىنىڭ كۋالىگى مەن اقشا تاركىلەندى. قازىرگى ۋاقىتتا اتالعان فاكتى بويىنشا سوتقا دەيىنگى تەرگەۋ امالدارى جۇرگىزىلىپ جاتىر.
