ك ح د ر العاش رەت وڭتۇستىك كورەيامەن تەڭىز شەكاراسى ارقىلى زىمىران ۇشىردى
وڭتۇستىك كورەيا پرەزيدەنتى بۇل وقيعانى «نەگىزىنەن باسقىنشىلىق» دەپ اتادى.
سولتۇستىك كورەيانىڭ ۇشىرىلعان قىسقا قاشىقتىقتاعى بالليستيكالىق زىمىرانى تۇبەكتىڭ شىعىس جاعالاۋىنداعى دەماركاتسيالىق سىزىققا جاقىن ورنالاسقان وڭتۇستىك كورەيانىڭ سوحچو قالاسىنان شامامەن 60 كم قاشىقتىقتا تەڭىزگە قۇلادى.
وڭتۇستىك كورەيا جاۋاپ رەتىندە تەڭىز شەكاراسى ارقىلى تەڭىزگە ءۇش زىمىران ۇشىردى.
وڭتۇستىك كورەيا پرەزيدەنتى يۋن سوكيەل زىمىراندى تەڭىز شەكاراسى ارقىلى ۇشىرۋ بۇل ك ح د ر تاراپىنان «نەگىزىنەن اۋماقتى باسىپ الۋعا ۇمتىلۋ» ەكەنىن ايتتى.
وڭتۇستىك كورەيا اسكەريلەرىنىڭ مالىمەتى بويىنشا، سارسەنبى كۇنى تاڭەرتەڭ سولتۇستىك كورەيالىقتار كەم دەگەندە 10 زىمىران ۇشىرعان.
كورەيا رەسپۋبليكاسىنىڭ باس شتابى وڭتۇستىك كورەيا اسكەرى «ك ح د ر تاراپىنان مۇنداي ارانداتۋشىلىقتارعا جول بەرمەيتىنىن جانە وڭتۇستىك كورەيا مەن ا ق ش- تىڭ تىعىز ىنتىماقتاستىعى اياسىندا تاباندى جانە باتىل تۇردە جاۋاپ بەرىلەتىنىن» مالىمدەدى.
وڭتۇستىك كورەيا پرەزيدەنتى مەن جاپونيا پرەمەر- ءمينيسترى ك ح د ر- دا زىمىرانداردىڭ سوڭعى ۇشىرىلىمدارىنا بايلانىستى ءوز ەلدەرىندە ۇلتتىق قاۋىپسىزدىك كەڭەستەرىن شاقىردى.
ءىس جۇزىندە تەڭىز شەكاراسى ارقىلى ۇشقان زىمىران ودان 25 شاقىرىم جانە سوكحچو قالاسىنان 57 شاقىرىم جەردە قۇلاعان.
ءبىر كۇن بۇرىن پحەنيان وڭتۇستىك كورەيا مەن ا ق ش- تان وسى اپتاداعى بىرلەسكەن وقۋ- جاتتىعۋلاردى توقتاتۋدى تالاپ ەتىپ، ودان باس تارتقان جاعدايدا «قۋاتتى» شارالاردى قولدانامىز دەپ قورقىتتى.
وتكەن ايدا ك ح د ر ا ق ش، وڭتۇستىك كورەيا جانە جاپونيا اسكەري كۇشتەرىنىڭ بىرلەسكەن وقۋ- جاتتىعۋلارىنا جاۋاپ رەتىندە ءبىرقاتار ۇشىرىلىمدار جاساعان ەدى.
فوتو: YONHAP/REUTERS
اۆتور
اياۋلىم التىنبەك
