ايەلدەر مەن ەرلەر بىردەي جالاقى الىپ ءجۇر مە؟

2021-جىلى 15 جانە ودان جوعارى جاستاعى جۇمىس كۇشىنىڭ سانى - 9,3 ميلليون ادام نەمەسە حالىقتىڭ جالپى سانىنىڭ 69,3 پايىزى. بىلتىر بۇل كورسەتكىش 100 مىڭ ادامعا كەم بولعان. ەكونوميكانىڭ ءتۇرلى سالاسىندا 8,8 ميلليون ادام جۇمىسپەن قامتىلعان، ونىڭ ىشىندە 4,2 ميلليون ادام نەمەسە 48,3 پايىزى - ايەلدەر.

ستاتيستيكا مالىمەتىنشە، جۇمىسپەن قامتىلعان حالىقتىڭ باسىم بولىگى، جالدامالى جۇمىسكەرلەر - 6,7 ميلليون ادام نەمەسە جۇمىسپەن قامتىلعانداردىڭ جالپى سانىنىڭ 76,2 پايىز، ءوز بەتىنشە جۇمىسپەن قامتىلعاندار 2,1 ميلليون ادام نەمەسە 23,8 پايىز. بۇل رەتتە، ەگەر جالدامالى جۇمىسكەرلەر سانىندا گەندەرلىك تەڭدىك بايقالسا، ءوز بەتىنشە جۇمىسپەن قامتىلعاندار اراسىندا ايەلدەرمەن 45,6 پايىزبەن سالىستىرعاندا ەرلەردىڭ ۇلەسى ءسال جوعارى - 54,4 پايىز.

ەكونوميكانىڭ ءتۇرلى سالاسىنداعى ەرلەر مەن ايەلدەردىڭ ءبولىنىسىن قاراستىرساق، جالدامالى جۇمىس ىستەيتىن ەر ادامدار مىنا سالالاردا جۇمىس ىستەيدى: قۇرىلىس، ونەركاسىپ، اۋىل شارۋاشىلىعى، ورمان جانە بالىق شارۋاشىلىعى، كولىك جانە قويما.

ايەلدەر اۋىل شارۋاشىلىعى سەكتورىندا، ونەركاسىپتە جانە قۇرىلىستا از، ءبىراق ساۋدا، ورنالاستىرۋ جانە تاماقتانۋ قىزمەتتەرىن ۇسىنۋ، ءبىلىم بەرۋ، دەنساۋلىق ساقتاۋ جانە حالىققا الەۋمەتتىك قىزمەت كورسەتۋ سياقتى ەكونوميكالىق قىزمەت سالالارىندا باسىم كەلەدى.

7,4 ميلليون ادامنىڭ نەمەسە جۇمىسپەن قامتىلعان حالىقتىڭ 83,5 پايىزىندا جوعارى جانە ورتا كاسىپتىك ءبىلىمى بار. ايەلدەر - نەعۇرلىم بىلىكتى جۇمىس كۇشى، 41,4 پايىز ايەلدىڭ ءبىلىم دەڭگەيى جوعارى.

بىلتىرعى قورىتىندى بويىنشا جۇمىسسىزدار - 449,6 مىڭ ادام، جارتىسى ايەلدەر.

2021-جىلعى دەرەكتەر بويىنشا ايەلدەردىڭ ورتاشا ايلىق جالاقىسى - 220160 تەڭگە، ەرلەردىڭ جالاقىسى - 281239 تەڭگە. بۇل ورتا ەسەپپەن 61079 تەڭگە، گەندەرلىك الشاقتىق - 21,7 پايىز.

ايتا كەتەيىك، ەڭبەكاقىنىڭ ەڭ جوعارى مولشەرى تاۋ-كەن ءوندىرۋ ونەركاسىبىندە جانە كارەرلەردى قازۋ - 503930 تەڭگە، ەڭ تومەنگىسى - اۋىل، ورمان جانە بالىق شارۋاشىلىعىندا - 150705 تەڭگە بولىپ بەلگىلەندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى