ازيا چەمپيوناتى: قازاقستاندىق بوكسشىلار جارىس باستالماي جاتىپ ءۇش جۇلدە ەنشىلەپ تۇر

ناقتىراق ايتساق، بۇگىن امماندا الاۋى تۇتانعان بوكستان ازيا بىرىنشىلىگىندە قازاقستاندىق بوكسشى قىزدار ءمادينا نۇرشايەۆا (66 كەلى)، گۇلسايا ەرجان (81 كەلى) جانە ءلاززات كۇنگەيبايەۆا (81+ كەلى) جارىس باستالماي جاتىپ-اق، قولا جۇلدەگە قول جەتكىزىپ تۇر. وعان ازيا چەمپيوناتىنا اتالعان سالماقتا قاتىسۋشىلار سانىنىڭ تىم ازدىعى سەبەپ بولىپ وتىر. اتالعان ءۇش قازاقستاندىق سپورتشى دا جارىستى بىردەن جارتىلاي فينالدان باستاماق. دەمەك ۇشەۋىنىڭ دە قورجىنىندا قولا مەدال بار دەگەن ءسوز.

ەستەرىڭىزگە سالا كەتەيىك، وسىعان دەيىن بوكستان ايەلدەر اراسىنداعى ازيا چەمپيوناتىنا ەل نامىسىن كىمدەپ قورعايتىنىن جازعان بولاتىنبىز.

13- قاراشاعا دەيىن جالعاساتىن تۋرنيردىڭ بۇگىن العاشقى ىرىكتەۋ سىندارى باستالىپ كەتتى. اتالعان دودادا ەرلەر – 13، ال ايەلدەر 12 سالماقتا كىم مىقتىنى انىقتايدى. سارى قۇرلىق دوداسىن ادەتتەگىدەي ازيا بوكس كونفەدەراتسياسى (ASBC) حالىقارالىق بوكس قاۋىمداستىعىنىڭ (IBA) ەرەجەلەرىن نەگىزگە الا وتىرىپ ۇيىمداستىرادى.

اۆتور كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى