كورەياداعى قازاقستاندىق سەۋل تراگەدياسى تۋرالى ايتتى

ايتا كەتەيىك، سەۋلدىڭ يتەۆون اۋدانىندا حەللوۋيندى تويلاۋعا كوپتەگەن ادام كەلگەن. سالدارىنان كەلگەن جۇرت قىسىلىپ، سوڭعى دەرەكتەر بويىنشا، 155 ادام قازا بولعان. ونىڭ ىشىندە ءبىر قازاقستاندىق ستۋدەنت قىز بار. سەۋل قالاسىندا 3,5 جىلدان بەرى تۇرىپ جاتقان قازاقستاندىق ديماش ءسادۋاقاس Massaget.kz تىلشىسىنە الەمدى ءدۇر سىلكىندىرگەن وقيعا تۋرالى ايتىپ بەردى.

ديماش ءسادۋاقاستىڭ ءوزى ول شاراعا بارا الماعان.

«اياعىم تارتپادى. قازاقستاندىق بالالار باردى. ءبىراق ولار ادام كوپ بولعاننان كەيىن ىشكە كىرۋگە قورىققان. 100 مىڭداي ادام بولعان دەگەن دەرەك بار»، - دەيدى ول.

جەرگىلىكتى تۇرعىن شارا نەلىكتەن ءدال كوشەسى تار يتەۆون اۋدانىندا وتكەنىن ءتۇسىندىرىپ بەردى.

«يتەۆون اۋدانى بۇرىنعى امەريكالىق بازا بولعان. سوندىقتان ول جەردە بۇرىننان امەريكالىقتار حەللوۋيندى تويلاۋ ءداستۇرى قالىپتاسقان. كەيىننەن 20-25 جاس ارالىعىنداعىلار سول اۋدانعا قىزىعا باستايدى. وسىلايشا يتەۆون اۋدانى تانىمال بولىپ كەتكەن. جەرگىلىكتى جاستار باتىس ۇردىستەرىنە ەلىككەن. كوروناۆيرۋس پاندەمياسىنان كەيىن نەگىزى ءالى كۇنگە دەيىن ماسكا تاعىپ ءجۇرمىز. جاستار ماسكادان شارشاپ، حەللوۋيندى اسىعا كۇتتى»، - دەيدى ديماش.

سەۋلدە الەمدى ءدۇر سىلكىندىرگەن قايعىلى وقيعا سەبەبى قانداي؟ بولجامدار

يتەۆون اۋدانىنىڭ ءبىر جاعى تۇتاس قوناق ءۇي قابىرعاسى ەكەن. ادامدار قۇلاي باستاعاندا ولاردى ءبىر توپ ادام بىردەن باسىپ قالعان. جاعدايدى ءوز بەتىمەن رەتتەۋگە تالپىنعان جۇرت «ارتقا، ارتقا!» دەپ ايعايلاعاندا اللەيا باسىنداعىلار تۇسىنبەي، كەرىسىنشە، قالىڭ جۇرتتى العا قاراي يتەرمەلەي باستاعان ەكەن.

ديماشتىڭ سوزىنشە، بۇل جەرگىلىكتى حالىق ءۇشىن كۇتپەگەن وقيعا بولعان.

«توبەمىزدەن جاي تۇسكەندەي بولدى. كورەيا تىنىش جاتقان جەرىنەن 154 ادامىنان ايىرىلدى. ونىڭ ىشىندە 26 سى شەتەلدىكتەر ەكەن. كوشە تار. جەرگىلىكتى حالىق قاتتى شوك العان. مۇمكىن ەمەس دەپ ويلايدى. ونىڭ الدىندا ەلدە ساياسي جاعدايلارعا بايلانىستى ميتينگىلەر ءوتىپ جاتقان. ونىڭ ۇستىنە مىنا قايعىلى وقيعا قوسىلدى. وتە اۋىر سوققى بولدى. ادامدار نە ارى ەمەس، نە بەرى ەمەس، قوزعالا الماي قالعان»، - دەيدى ول.

ديماش ءسادۋاقاس جەرگىلىكتى تۇرعىندارعا ەسىرتكى تاراتىلعان دەگەن اقپاراتقا قاتىستى ويىن ايتتى.

«ەسىرتكى تاراتىلعان دەگەن اقپارات تاراپ جاتىر ەكەن. بۇگىندە وعان قاتىستى رەيد ءجۇرىپ جاتىر. تايلاندىقتار كونتراباندالىق جولمەن اقشا كىرگىزىپ، ەسىرتكىنى حالىقارالىق پوشتا ارقىلى ساتقان دەگەن دەرەك بار. ەسىرتكى تاراتىلدى دەگەن قاۋەسەت سودان شىققان سەكىلدى. جاسىرىن تۇردە بولماسا، كورەيادا ەسىرتكىگە قاتاڭ تىيىم سالىنعان»، - دەيدى ديماش.

تاعى سەبەپ جەرگىلىكتى بارعا تانىمال كورەيالىقتار كەلەدى دەپ ايتىلعان. ديماشتىڭ سوزىنشە، پوليتسيا بۇل دەرەكتى تەكسەرىپ جاتىر. ساراپتامالار تاعايىندالىپتى. شامامەن 15 كۇندە ناتيجەسى شىعۋى مۇمكىن.

ايتا كەتەيىك، جەرگىلىكتى ب ا ق مالىمەتىنشە، حەللوۋين كەزىندە ادامدارعا كامپيت تۇرىندەگى ەسىرتكى تاراتىلعانى نەمەسە تۇرعىندار تانىمال ادام كەلىپ، سونىمەن كەزدەسۋگە بارا جاتقاندا قىسىلىپ ولگەن دەگەن اقپارات ءالى راستالماعان. وعان قاتىستى تەرگەۋ امالدارى ءجۇرىپ جاتىر.

«ادامدار قاتتى تاڭعالىپ، ەشقايدا شىقپاي وتىر. ەكى ساعاتتىڭ ىشىندە مۇنداي بولۋى مۇمكىن ەمەس قوي. 22.15 تە 80 گە جۋىق ادامنان حابار تۇسكەن. جەرگىلىكتى اقپاراتتاردىڭ مالىمەتىنشە، ادام كوپ، ءبىراق 200 دەي پوليتسەي عانا بولىنگەن ەكەن. جەدەل جاردەم كىرە الماعان. سەبەبى ادام كوپ، جول جابىلىپ قالعان»، - دەيدى جەرگىلىكتى تۇرعىن.

ديماش جەرگىلىكتى ب ا ق- تاردا كەشە، 31- قازاندا تاڭعى ساعات 10.00 دە سەۋلدەگى سەۋل پلازادا مەموريالدىق التار اشىلعانى حابارلانعانىن ايتادى. وندا 5- قاراشاعا دەيىن يتەۆون تراگەدياسىنىڭ سالدارىنان قازا تاپقانداردى ەسكە الۋعا بولادى.

ەلدە 30- قازاننان 5- قاراشاعا دەيىن قارالى كۇن جاريالاندى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى