فۋتبول تاريحىنداعى ەڭ قىمبات چەمپيونات. كاتارداعى الەم چەمپيوناتى تۋرالى نە ءبىلۋ كەرەك؟

ول تاريحي الەم چەمپيوناتى بولماق. سەبەبى الەمدىك دودا العاش رەت اراب ەلىندە جانە قىستا وتەدى.

Massaget.kz ءتىلشىسى الەم چەمپيوناتى تۋرالى جانكۇيەر ءبىلۋى ءتيىس دەرەكتەر جينادى.

الەم چەمپيوناتى قايدا جانە قاشان وتەدى؟

فۋتبولدان الەم چەمپيوناتى 2022-جىلى 20- قاراشا مەن 18- جەلتوقسان اراسىندا كاتاردا وتەدى. الەمدىك دودا العاش رەت قىستا بولادى.

ماتچتار بەس قالادا وتەدى - دوحا، ار-رايان، لۋسايل، ءال-حاۋر جانە ءال-ۆاكرا. وسى بەس قالادا الەم چەمپيوناتى ءۇشىن ارنايى 8 ستاديون سالىنعان. بۇل اراب ەلىندە وتەتىن العاشقى الەم چەمپيوناتى بولادى.

ف ي ف ا تاريحىنداعى 22-الەم چەمپيوناتى بۇرىنعىلارعا قاراعاندا ەڭ قىمباتى بولدى. ب ا ق مالىمەتىنشە، ونى ۇيىمداستىرۋ ءۇشىن 200 ميلليارد دوللار جۇمسالعان.

الەم چەمپيوناتى نەگە قىستا وتەدى؟

بۇعان سەبەپ - كاتارداعى اۋا رايى. كاتاردىڭ كليماتى تروپيكالىق، ياعني اپتاپ پەن اۋا تەمپەراتۋراسى جوعارى بولادى. جازدا اۋا تەمپەراتۋراسى 50 گرادۋسقا دەيىن جەتەدى.

ال قاراشادا ەلدە ورتاشا تەمپەراتۋرا 25,4 گرادۋس، جەلتوقساندا 20,8 گرادۋس بولادى. جالپى، كاتاردا جەلتوقسان مەن قاڭتار - ەلدەگى ەڭ سالقىن ايلار.

كاتارداعى بارلىق ستاديوننىڭ توبەسى اشىلىپ-جابىلادى جانە كونديتسيونەر ورناتىلعان.

الەم چەمپيوناتىنا كىمدەر قاتىسادى؟

كاتارداعى دوداعا 32 كوماندا قاتىسادى. بيىل 1- ساۋىردە نەگىزگى كەزەڭنىڭ جەرەبەسى تارتىلدى.

كاتار الەم چەمپيوناتىنىڭ قوجايىنى رەتىندە اۆتوماتتى تۇردە جولداما الدى. قالعاندارى ىرىكتەۋدەن ءوتتى. وكىنىشكە قاراي، قازاقستان قۇراماسى ىرىكتەۋدەن وتە الماي قالعان بولاتىن.

توپتار مىناداي:

A توبى: كاتار، ەكۆادور، سەنەگال، نيدەرلاندى.

B توبى: انگليا، يران، ا ق ش، ۋەلس.

C توبى: ارگەنتينا، ساۋد ارابياسى، مەكسيكا، پولشا.

D توبى: فرانسيا، اۋستراليا، دانيا، تۋنيس.

E توبى: يسپانيا، كوستا-ريكا، گەرمانيا، جاپونيا.

F توبى: بەلگيا، كانادا، ماروككو، حورۆاتيا.

G توبى: برازيليا، سەربيا، شۆەيتساريا، كامەرۋن.

H توبى: پورتۋگاليا، گانا، ۋرۋگۆاي، وڭتۇستىك كورەيا.

ماتچتار قاي كەزدە وينالادى؟

32 كوماندا سەگىز توپقا بولىنگەن. ءار توپتان ۇزدىك ەكى كوماندا 1/8 فينالعا جولداما الادى.

توپتىق كەزەڭدەگى ويىندار 20- قاراشا مەن 2- جەلتوقسان اراسىندا وتەدى.

1/8 فينال - 3-6- جەلتوقساندا.

1/4 فينال - 9-10- جەلتوقساندا.

1/2 فينالا - 13-14- جەلتوقساندا.

3-ورىن ءۇشىن ماتچ - 17- جەلتوقساندا.

فينال – 18- جەلتوقساندا.

تۋرنيردىڭ اشىلۋ ماتچىندا كاتار مەن ەكۆادور كەزدەسەدى. بۇل ويىن 20- قاراشادا استانا ۋاقىتىمەن 22:00 دە باستالادى.

جالپى، الەم چەمپيوناتىنىڭ توپتىق كەزەڭىندە كۇن سايىن ءتورت ماتچ وينالادى. بۇل ويىندار استانا ۋاقىتىمەن 16:00، 19:00، 22:00 جانە 01:00 دە باستالادى.

قازاقستاندا الەم چەمپيوناتىن قاي تەلەارنا كورسەتەتىنى ءالى رەسمي حابارلانعان جوق.

يران مەن تۋنيس شەتتەتىلۋى مۇمكىن

الەم چەمپيوناتى جاقىنداعان كەزدە قاتىسۋشىلارعا قاتىستى ماسەلەلەر تۋىنداي باستادى. مىسالى، يراندىق ءبىر قاتار فۋتبولشى يران قۇراماسىن شەتتەتۋدى سۇراپ حات جازعان ەدى. سەبەبى ولاردىڭ ايتۋىنشا، يراندا ادام قۇقىعى قورعالمايدى. بۇگىندە ورامالىن دۇرىس تاقپاعانى ءۇشىن پوليتسيا بولىمشەسىندە قايتىس بولعان 22 جاستاعى ماحسا ءامينيدىڭ ولىمىنەن كەيىن ەلدە ميتينگ ءالى جالعاسىپ جاتىر.

ال تاياۋدا تۋنيس تە الەم چەمپيوناتىنان شەتتەتىلۋى ىقتيمال دەگەن اقپارات تارادى. BBC مالىمەتىنشە، ەلدىڭ جاستار جانە سپورت ءمينيسترى تۋنيس فۋتبول فەدەراتسياسىن تاراتىپ جىبەرەمىن دەپ قورقىتقان. ال ف ي ف ا مۇنى بيلىك فۋتبول فەدەراتسياسىنىڭ جۇمىسىنا ارالاسىپ جاتىر دەپ باعالاعان.

ءبىراق بۇل ەكى ەل بويىنشا ءالى ناقتى شەشىم شىعارىلعان جوق. بۇل ەكى ەل الەمدىك دودادان شەتتەتىلەر بولسا، ولاردىڭ ورىندارىنا يتاليا مەن ۋكراينانى قاتىستىرۋ ۇسىنىلدى.

الەم چەمپيوناتىنىڭ سيمۆولدارى

كاتارداعى الەم چەمپيوناتىنىڭ لوگوتيپى «8» بەلگىسىنە ۇقساس جانە اق ءتۇستى ساقينا سەكىلدى جاسالعان. سەگىز سانى - تۋرنيردى قابىلدايتىن ستاديوندار سانى. سونىمەن قاتار، شەكسىزدىك بەلگىسىن بىلدىرەدى.

«الەم چەمپيوناتىنىڭ لوگوتيپى بۇل تۋرنيردىڭ ايماقتاعى ادامداردىڭ تاعدىرىنا ۇزاق مەرزىمدى اسەرىن كورسەتەدى. سونىمەن قاتار، ەمبلەمانىڭ ۇستىڭگى بولىگى جەڭىمپازعا بەرىلەتىن باستى كۋبوكتىڭ پىشىنىنە ۇقسايدى»، - دەدى 2022-جىلعى الەم چەمپيوناتىنىڭ ۇيىمداستىرۋ كوميتەتى وكىلدەرى.

ال رەسمي دوپتىڭ اتاۋى - Al Rihla، اراب تىلىنەن اۋدارعاندا «ساياحات» دەگەندى بىلدىرەدى.

Adidas كومپانياسى وكىلىنىڭ ايتۋىنشا، بۇل «بۇگىنگە دەيىنگى ەڭ جىلدام جانە ەڭ ءدال دوپ» سانالادى. بۇل اسەرگە جەتۋ ءۇشىن دوپ CTR- Core تەحنولوگياسى ارقىلى جاسالدى - بۇل سناريادتىڭ ىشىندەگى دالدىك پەن تەپە-تەڭدىكتى جاقسارتاتىن شاعىن يادرو.

الەم چەمپيوناتىنىڭ ماسكوتى - لايب دەيتىن ۇشاتىن كىلەم. ءبىر قىزىعى، اراب تىلىنەن اۋدارعاندا «وتە جاقسى ويىنشى» دەگەندى بىلدىرەدى. ول سونداي-اق اراب ەلدەرىندەگى ءداستۇرلى باسكيىم - كۋفيەگە ۇقسايدى.

لايبتى جاساعانداردىڭ ايتۋىنشا، ول «سۋرەتتەۋگە كەلمەيتىن ماسكوتتاردىڭ پاراللەل الەمىنەن» كەلگەن. ول - ىسكەر، كوڭىلدى جانە ءبىلىمپاز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى