چەليابينسك تۇبىندە قازاقستاندىقتار مىنگەن اۆتوبۋس اۋدارىلىپ قالدى

ءوڭىردىڭ دەنساۋلىق ساقتاۋ مينيسترلىگىنىڭ مالىمەتىنشە، اۆتوبۋس ەكاتەرينبۋرگكە كىرەبەرىستەگى جولدىڭ 85-شاقىرىمىندا جول شەتىنە اۋدارىلىپ كەتكەن.

13 ادام وقيعا ورنىنان ەۆاكۋاتسيالاندى. زارداپ شەككەن جەتەۋى اۋرۋحاناعا جاتقىزىلدى.

جول اپاتى 31-قازان تاڭعى 6.00 شاماسىندا بولعان.

«كۋناشاك اۋدانىنداعى اۆتوبۋس اپاتىنان 24 ادام جاراقات الدى. ولاردىڭ جاعدايى تۋرالى اقپارات ناقتىلانىپ جاتىر. زارداپ شەككەندەرگە بۇكىل قاجەتتى كومەك كورسەتىلۋ ۇستىندە» دەپ ءمالىم ەتتى باسپا ءسوز قىزمەتى.

وقيعا ورنىندا توعىز جەدەل جاردەم بريگاداسى جۇمىس ىستەگەن. پاتسيەنتتەر چەليابينسك قالاسىنداعى №3 جانە №6 قالالىق كلينيكالىق اۋرۋحانالارعا جەتكىزىلدى.

كولىك جۇرگىزۋشىسى تولاسسىز قار جاۋىپ تۇرعان جايسىز اۋا رايىندا اۆتوبۋستىڭ جولدىڭ وڭ جاق شەتىنە اۋدارىلىپ كەتۋىنە جول بەرگەن.

پوليتسيا مالىمەتىنشە، جولاۋشىلار قوستاناي قالاسىنان ەكاتەرينبۋرگكە ۆاحتالىق جۇمىسقا بارا جاتقان. بارلىعى - قوستانايدىڭ تۇرعىندارى.

ال اۆتوبۋستى 38 جاستاعى ەكاتەرينبۋرگ تۇرعىنى تىزگىندەگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى