اقتوبەدە ەكى ادام ولىمىنەن كەيىن بۇكىل تۇنگى كلۋبتار تەكسەرىلەدى
ولار قازىر تەرگەۋ يزولياتورىندا وتىر. سونىمەن بىرگە كلۋب ديرەكتورى ۇستالىپ، قالاداعى بارلىق كوڭىل كوتەرۋ ورىندارى تەكسەرىلەدى، دەپ حابارلايدى قازاقپارات ءتىلشىسى.
اقتوبە قالاسىنداعى ەلەك وزەنىنىڭ جاعاسىندا ەكى ادامنىڭ دەنەسى تابىلىپ، تەرگەۋ باستالدى. قازىرگى كەزدە بارلىعى 13 ادام كۇدىككە ىلىككەن.
قىلمىسقا قاتىسى بار كۇدىكتىلەر ۇستالىپ، سوتتىڭ قاۋلىسىمەن تەرگەۋ يزولياتورىنا قاماۋعا الىندى.
«بارلىعى 13 ادام قاماۋدا وتىر. ۇستالعانداردىڭ باسقا قىلمىسقا دا قاتىسىنىڭ بار- جوعى تەكسەرىلەدى. سونىمەن قاتار وسى اۋىر قىلمىس تۋرالى حابارلاماعان جانە ۋاقتىلى مەديتسينالىق كومەك كورسەتۋ شارالارىن قابىلداماعان تۇنگى كلۋب ديرەكتورى ۇستالدى. بۇل كلۋبتىڭ ليسەنزياسىنىڭ كۇشىن جويۋ جانە ونى جابۋ تۋرالى سوتقا تالاپ ەنگىزىلەدى»، - دەدى وبلىستىق پ د باسپا ءسوز قىزمەتىنىڭ جەتەكشىسى ەربولات سارقۇلوۆ.
سونداي- اق الداعى ۋاقىتتا پوليسيا دەپارتامەنتى بارلىق كوڭىل كوتەرۋ ورنىن تەكسەرەدى.
ازاماتتاردىڭ قاۋىپسىزدىگى تالاپتارىنىڭ ساقتالۋىن، ليسەنزياسى بار كۇزەت سۋبەكتىلەرىنىڭ تارتىلۋىن مىندەتتەيدى.
اقتوبە قالاسىندا ەكى كىسىنى ءولتىردى دەگەن كۇدىككە ىلىنگەندەردىڭ ۇشەۋى ەلوردادا ۇستالدى.
