بيىل يگەرۋسىز جاتقان قانشا گەكتار جەر مەملەكەتكە قايتارىلدى
بۇل تۋرالى اۋىل شارۋاشىلىعى مينيسترلىگىنىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات ءتىلشىسى.
«بۇگىنگى تاڭدا اعىمداعى جىلدىڭ سوڭىنا دەيىن پايدالانىلمايتىن جانە زاڭنامانى بۇزا وتىرىپ بەرىلگەن 5 ميلليون گەكتار جەردى قايتارۋ جوسپارلى مەرزىمىنەن بۇرىن ورىندالدى.
سونداي-اق، ءتيىستى شارالار قابىلدانعاننان كەيىن، اۋىل شارۋاشىلىعى ميننيسترلىگىنىڭ جەر ينسپەكتورلارى اعىمداعى جىلى جۇمىس ىستەپ تۇرعان سۋبەكتىلەردىڭ 1,8 ميلليون گەكتار اۋىل شارۋاشىلىعى جەرىن يگەرۋگە كىرىستى»، - دەلىنگەن ۆەدومستۆو حابارلاماسىندا.
مينيسترلىك دەرەگىنشە، كەلەسى جىلى يگەرۋسىز جاتقان اۋىل شارۋاشىلىعى ماقساتىنداعى تاعى 5 ميلليون گەكتار جەر مەملەكەتكە قايتارىلماق. بۇگىندە ولاردى قايتارۋ بويىنشا جۇمىستار قولعا الىنعان.
ەسكە سالايىق، بۇعان دەيىن ق ر پارلامەنتى ءماجىلىسىنىڭ دەپۋتاتى ەرلان سايروۆ قازاقستاننىڭ ەڭ شۇرايلى جەرلەرى يگەرىلمەي جاتقانىن مالىمدەپ ەدى.
