بوكستان ازيا چەمپيوناتىندا كەتكەن ەسەنى قايتارعىمىز كەلەدى - باس باپكەر قايرات ءساتجانوۆ

قۇرلىقتىق دودا يوردانيا استاناسى - اممان قالاسىندا 30- قازان مەن 13- قاراشا ارالىعىندا وتكىزىلەدى.

اتالعان تۋرنيردە ەلىمىزدىڭ اتىنان سانجار تاشكەنباي (48 كەلى)، ساكەن بيبوسىنوۆ (51 كەلى)، ماحمۋد سابىرجان (54 كەلى)، سەرىك تەمىرجانوۆ (57 كەلى)، ساماتالى تولتايەۆ (60 كەلى)، ساناتالى تولتايەۆ (63,5 كەلى)، دۋلات بەكباۋوۆ (67 كەلى)، اسلانبەك شىمبەرگەنوۆ (71 كەلى)، نۇرقانات رايىس (75 كەلى)، نۇربەك ورالباي (80 كەلى)، ساعىندىق توعامباي (86 كەلى)، ايبەك ورالباي (92 كەلى)، قامشىبەك قوڭقابايەۆ (92 كەلىدەن جوعارى) سىنعا تۇسەدى.

«دايىندىق وتە جاقسى ءوتىپ جاتىر. ق ر م س م سپورت جانە دەنە شىنىقتىرۋ ىستەرى كوميتەتى، سپورتتى دامىتۋ ديرەكتسياسى مەن قازاقستان بوكس فەدەراتسياسى قولداۋىمەن بۇل ماقساتتا ەشقانداي قيىندىق بولعان جوق. بوكس - ەلىمىزدە كەڭ تانىلعان، ۇنەمى جانكۇيەرلەر نازارىندا بولاتىن سپورت ءتۇرى. الدىڭعى قۇرلىق دوداسىنىڭ ناتيجەسىن قوعامنىڭ قالاي تالقىلاپ، سىنعا العانى ءالى ەسىمىزدە. دۋبايدا ەرلەر قۇراماسى التىنسىز قالعانىن بىلەسىزدەر. بيىل ءبىز ەسە قايتارعىمىز كەلەدى. ماقسات - جالپى ەسەپتە كوش باستاۋ»، - دەدى سپورتتى دامىتۋ ديرەكتسياسىنا بەرگەن سۇحباتىندا باس باپكەر قايرات ساتجانوۆ.

سونداي-اق، بۇعان دەيىن اتالعان باسەكەدە ەل نامىسىن قورعايتىن قازاقستان ايەلدەر قۇراماسىنىڭ ءتىزىمى بەلگىلى بولدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى