الماتىدا جاستار جاپپاي توبەلەستى
پوليتسيانىڭ مالىمەتىنشە، وقيعا 30 قازان كۇنى تاڭعى ساعات 9:00 شاماسىندا بولدى. ءقازىر توبەلەسكە قاتىسۋشىلار ۇستالدى. الدىن الا مالىمەت بويىنشا جانجال ءبىر-ءبىرىن تانيتىن جاستار اراسىندا بولعان. وعان سەبەپ - جىگىتتەردىڭ ءبىرى مەن ونىڭ سۇيىكتىسىنىڭ اراسىنداعى ۇرىس.
«اتالعان دەرەك ق ر ق ك-نىڭ 293-بابى بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلدى. توبەلەسكە قاتىسۋشىلاردىڭ ءارقايسىسىنىڭ ارەكەتىنە تەرگەۋ ورگاندارى زاڭدى باعاسىن بەرەتىن بولادى»، - دەپ حابارلادى قالالىق پوليتسيا دەپارتامەنتىنىڭ باسپا ءسوز قىزمەتى.
