دۋبايدا «مۇقاعالي» باس جۇلدەنى جەڭىپ الدى

تاياۋ شىعىس، ازيا جانە افريكا كينويندۋسترياسىن قامتيتىن Meta Film Fest جاڭا حالىقارالىق كينوفەستيۆال 27 -قازاندا دجۋمەيرا پالماسىنداعى Nakheel Mall-داعى Vox Cinemas كينوتەاترىندا باستالدى. فەستيۆالدە 25 ەلدەن 70-تەن استام فيلم كورسەتىلدى.

بايقاۋ باعدارلاماسىنا «مۇقاعالي»، «ۇلى دالا تاڭى»، «اقىن» جانە «كونوكرادى» اتتى ءتورت قازاقستاندىق فيلم تاڭدالعان بولاتىن.

بەلگىلى قازاق اقىنى مۇقاعالي ماقاتايەۆتىڭ 90 جىلدىعىنا ارنالعان «مۇقاعالي» كارتيناسى ونىڭ ءومىرىنىڭ سوڭعى جىلدارى تۋرالى باياندايدى. فيلمدى ق ر مادەنيەت جانە سپورت مينيسترلىگىنىڭ تاپسىرىسى بويىنشا ش. ايمانوۆ اتىنداعى «قازاقفيلم» كينوستۋدياسى ءتۇسىردى.

«تاسپانىڭ سسەناريىن بەلگىلى قازاقستاندىق جازۋشى جۇسىپبەك قورعاسبەك رەجيسسەر بولات قالىمبەتوۆ پەن عازيز ناسىروۆ بىرلەسىپ جازدى. فيلم قازاقستاندىق پروكاتقا 2021 -جىلدىڭ 21 -قازانىندا شىققان بولاتىن.

فيلمنىڭ الەمدىك پرەمەراسى 25- تاللين كينوفەستيۆالى اياسىندا ءوتتى. وندا قازاقستاندىق كارتينا ەكۋمەنيكالىق قازىلار القاسىنىڭ جۇلدەسىنە يە بولدى. بيىلعى جىلدىڭ ناۋرىز ايىندا ءومىرباياندىق كارتينا كەرالاداعى (ءۇندىستان) 26- حالىقارالىق كينوفەستيۆالدىڭ «الەمدىك كينو» سەكسياسىندا ۇسىنىلدى. جاقىندا «مۇقاعالي» فيلمى قازان كينوفەستيۆالىندە قازىلار القاسىنىڭ ارنايى جۇلدەسىنە يە بولدى. سونداي- اق، فيلم گاتچينادەگى (رەسەي) «ادەبيەت جانە كينو» حالىقارالىق كينوفەستيۆالىندە قويۋشى- سۋرەتشى ەرمەك وتەگەنوۆتىڭ ۇزدىك جۇمىسى ءۇشىن قازىلار القاسىنىڭ ارنايى ديپلومىنا يە بولدى»، - دەپ حابارلادى ش. ايمانوۆ اتىنداعى «قازاقفيلم» كينوستۋديانىڭ باسپا ءسوز قىزمەتى.

فوتو: kazakhfilmstudios.kz

اۆتور

دۋمان ارعىنگەلدى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى