شۆەيتساريا ەڭ ۇزىن جولاۋشىلار پويىزىمەن رەكورد ورناتتى

ۇزىندىعى 2 شاقىرىمدىق پويىز رەتي تەمىرجولى بويىنداعى كورىكتى جەرلەردىڭ ءبىر بولىگىن، اتاپ ايتقاندا البۋل/بەرنين باعىتىمەن پرەدادان بەرگەنگە دەيىن ءجۇرىپ ءوتتى.

25 ۆاگوندار تىزبەگىن بىرىكتىرۋ ارقىلى رەتيي تەمىرجولىنىڭ باسشىلارى 175 جىلدىق مەرەيتويىن اتاپ ءوتۋدى ءارى الەمدىك رەكورد ورناتىپ، جەرگىلىكتى حالىق پەن شەتەلدىك تۋريستەردىڭ نازارىن اۋدارۋدى ءجون كورگەن. ەكسپەريمەنت ءساتتى ىسكە استى. ونىڭ باستى شارتى پويىزدى جۇرگىزگەن 6 ماشينيستىڭ بىردەي ءىس- قيمىل جاساۋى بولدى.

«پاندەميا بولعان 2 جىلدا اينالىمنىڭ 30 پايىزىن جوعالتتىق. سوندىقتان، ءبىزدىڭ يۋنەسكو- نىڭ بۇكىلالەمدىك مۇرالارى تىزىمىنە ەنگىزىلگەن كەرەمەت باعىتىمىز تۋرالى ادامداردى حاباردار ەتۋدىڭ ۇتىمدى جولىن ىزدەستىردىك»، - دەيدى رەتي تەمىرجولىنىڭ باس ديرەكتورى رەناتو فاشياتي.

پويىز ۇزىندىعى باعىت بويىنداعى ەڭ ۇزاق، دوعال توننەلدەن (لاندۆاسسەر، 680 مەتر) 3 ەسەدەي ارتىق بولعان. ۆاگوندار قۇرامىنىڭ وسى توننەلدەن وتكەن ءساتى كورەرمەندى قاتتى تاڭقالدىرعان.

ايتا كەتسەك، 2008 -جىلى يۋنەسكو- نىڭ بۇكىلالەمدىك مۇرالارى تىزىمىنە ەنگىزىلگەن رەتيي تەمىرجولى بويىندا 22 توننەل مەن 48 كوپىر بار. جول ۇزاقتىعى 1 ساعاتتان اسادى.

اۆتور

گۇلنۇر عازيز قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى