وڭتۇستىك افريكادا جارتى عاسىردا ءبىرىنشى رەت زۋلۋستار پاتشاسى ۇلىقتالدى

ۇلىقتاۋ سالتاناتىندا ميسۋزۋلۋ سينكوبيلە زۋلۋ و ا ر پرەزيدەنتى سيريل رامافوسادان رەسمي راستاۋ كۋالىگىن الدى. بۇل - مونارحتىڭ اكەسى گۋدۆيللۋ زۆەليتيني ۇلىقتالعان 1971 -جىلدان بەرى بولماعان تاريحي وقيعا.

جاڭا كوسەمنىڭ بيلىك باسىندا 50 جىلعا جۋىق وتىرعان اكەسى 2021 -جىلعى ناۋرىزدا قايتىس بولدى. ونىڭ 6 ايەلى جانە 26 بالاسى بار. ميسۋزۋلۋ پاتشانىڭ اناسى رەگەنت- پاتشايىم بولىپ تاعايىندالعاننان كەيىن، ارادا ءبىر اي وتكەندە كەنەتتەن دۇنيە سالىپ، بۇل پاتشا سارايىنداعى تاققا تالاستى ۋشىقتىرا تۇسكەن ەدى. ۇلىقتاۋ ءراسىمى بيلىك ءۇشىن جۇرگەن ۇزاق تا قاتال كۇرەستى توقتاتتى.

مەملەكەتتىك ۇلىقتاۋ سالتاناتى موزەس مابيدا ستاديونىندا ءوتتى. راسىمگە ءداستۇرلى كيىم كيىنگەن مىڭداعان زۋلۋس ازاماتى جينالدى.

«بۇل - قۋانىشتى وقيعا جاڭا ءداۋىردىڭ باستاۋى»، - دەدى كۆازۋلۋ- ناتال ۋنيۆەرسيتەتىنىڭ افريكا تىلدەرى پروفەسسورى سيحاۆۋكەلە نگۋبانە.

ايتا كەتسەك، زۋلۋستار - وڭتۇستىك افريكا حالقىنىڭ بەسىنشى بولىگىن الاتىن ءىرى ەتنيكالىق توپ. ەلدىڭ سالىق تولەۋشىلەر ەسەبىنەن قارجىلاندىرىلاتىن جىلدىق بيۋدجەتى 3,6 ميلليون دوللاردان اسادى.

اۆتور

گۇلنۇر عازيز قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى