سەۋلدەگى حەللوۋين مەرەكەسىندە اقتوبەلىك قىز قازا تاپتى – ق ر س ءى م
«سەۋل قالاسىنىڭ جەدەل شتابى مەن پوليتسياسىنىڭ مالىمەتىنشە، يتحەۆون اۋدانىنداعى قايعىلى وقيعا سالدارىنان قازا تاپقانداردىڭ اراسىندا قازاقستان رەسپۋبليكاسىنىڭ ازاماتى، 1996 -جىلى تۋعان، اقتوبە وبلىسىنىڭ تۋماسى تابىلدى. ول كورەيا رەسپۋبليكاسىنىڭ جوعارى وقۋ ورىندارىنىڭ ءبىرىنىڭ ستۋدەنتى بولعان. قازاقستاندىق ديپلوماتتار قازا تاپقان ازاماتتىڭ تۋىستارىمەن بايلانىستا، قۇجاتتاردى رەسىمدەۋگە جانە ءمايىتتى قازاقستانعا ودان ءارى جەتكىزۋگە بارلىق قاجەتتى كومەك كورسەتۋدە»، - دەپ حابارلادى ق ر س ءى م باسپا ءسوز قىزمەتى.
كورەيا رەسپۋبليكاسىنداعى ق ر ەلشىلىگىنىڭ كونسۋلدىق ءبولىمى تاۋلىك بويى جۇمىس رەجيمىنە اۋىستىرىلدى. كورەيالىق قۇزىرەتتى ورگاندارمەن تۇراقتى بايلانىستا بولاتىن جەدەل شتاب قۇرىلدى. ديپلوماتتار كونسۋلدىق ەسەپتە تۇرعان قازاقستاندىقتارعا حابارلاسىپ جاتىر.
ايتا كەتەيىك، قايعىلى جاعداي سەۋلدىڭ يتحەۆون اۋدانىندا بولدى. الدىن الا بولجام بويىنشا، حەللوۋين مەرەكەسىندە ۇلكەن توبىر Hamilton وتەلى ماڭىنداعى تار كوشەگە كىرىپ، ءبىرىن- ءبىرى تاپتاپ وتكەن.
وسىعان دەيىن سەۋلدە حەللوۋين مەرەكەسىندە قازا بولعاندار سانى 150-دەن اسقانىن جازدىق.
سونداي- اق وڭتۇستىك كورەيادا ۇلتتىق ازا تۇتۋ كۇنى جاريالاندى.
اۆتور
ايجان سەرىكجان قىزى
