كاتونقاراعاي اۋدانىندا تۋريستىك جوبالار ىسكە اسىرىلماق
بۇل تۋرالى جۇمىس ساپارىمەن كاتونقاراعاي اۋدانىندا بولىپ، ورەل اۋىلىندا حالىقپەن كەزدەسكەن وبلىس اكىمى دانيال احمەتوۆ ايتتى.
«اۋداننىڭ الەۋمەتتىك- ەكونوميكالىق دامۋ قارقىنى جاقسى. ءبىز ءوز تاراپىمىزدان تۇرعىنداردىڭ ءومىر ساپاسىن جاقسارتۋعا ىقپال ەتەتىن كوپتەگەن جوباعا قولداۋ بىلدىرۋگە دايىنبىز. اۋداندا تۋريستىك باعىتقا باسىمدىق بەرىلگەنى بەلگىلى. وسى رەتتە بىرنەشە كاسىپكەر مەديتسينالىق، اۋىلدىق جانە ارحەولوگيالىق تۋريزمدى دامىتۋعا گرانتتار الدى. ءوز اۋدانىن دامىتۋعا كۇش پەن قاراجات سالاتىندارعا قولداۋ كورسەتۋدى الداعى ۋاقىتتا دا جالعاستىرامىز»، - دەدى ايماق باسشىسى.
سونداي- اق، ش ق و اكىمى اۋدانداعى تۋريستىك- اقپاراتتىق ورتالىققا باردى. بۇل جەردە جەرگىلىكتى كاسىپكەرلەردىڭ ساۋدا نۇكتەلەرىن ورنالاستىرۋ قاجەت. سەبەبى، ول بوس تۇرماي، كاسىپكەرلەر بيزنەسىن دامىتاتىن الاڭعا اينالۋى ءتيىس.
«كاتونقاراعاي اۋىلىندا سپورت كەشەنى قۇرىلىسىنىڭ بارىسىمەن تانىستىم. جوبانى مەرزىمىندە اياقتاۋ ءۇشىن قوسىمشا كۇش تارتۋ قاجەت. ۇلكەن نارىن اۋىلىنداعى دەنە شىنىقتىرۋ- ساۋىقتىرۋ كەشەنىنە كەلەتىن بولساق، ونىڭ جانىندا باسسەين سالىنىپ جاتىر. بۇل - وتە دۇرىس شەشىم. جالپى، نىسانداردىڭ ساپاسىنا باسا نازار اۋدارۋ كەرەك»، - دەدى دانيال احمەتوۆ.
اۆتور
تالعاتجان مۇحامەتبەك ۇلى
