قازاقستان ت م د ەكونوميكالىق كەڭەسىنىڭ وتىرىسىن وتكىزەدى
بۇل تۋرالى ت م د اتقارۋشى كوميتەتىنىڭ ءتوراعاسى سەرگەي لەبەديەۆ ايتتى، دەپ حابارلايدى قازاقپارات ءتىلشىسى.
«جەلتوقسان ايىندا قازاقستاننىڭ توراعالىعىمەن ت م د ەكونوميكالىق كەڭەسىنىڭ وتىرىسى وتەدى. ءبىز قازىر قازاقستاندىق دوستارىمىزبەن بۇل وتىرىسقا دايىندىق جۇرگىزىپ جاتىرمىز. ونىڭ ناتيجەلى ءارى جەمىستى وتەتىنىنە سەنىمدىمىز. ودان كەيىن قازاقستان تاۋەلسىز مەملەكەتتەر دوستاستىعىنا ءتوراعالىق ەتۋ ەستافەتاسىن كورشىلەس قىرعىزستانعا بەرەدى»، - دەدى س. لەبەديەۆ استانادا وتكەن ت م د ۇكىمەت باسشىلارى كەڭەسىنىڭ وتىرىسىنان كەيىنگى بريفينگىسىندە.
بۇدان بۇرىن حابارلانعانداي، ەلوردادا ت م د ۇكىمەت باسشىلارى كەڭەسىنىڭ وتىرىسى ءوتتى.
بۇل رەتتە وتىرىس قورىتىندىسى بويىنشا بىرنەشە قۇجاتقا قول قويىلدى.
ت م د ەلدەرىنىڭ ويىندارى 2023-جىلى بەلارۋس رەسپۋبليكاسىندا ۇيىمداستىرىلماق.
ت م د ۇكىمەت باسشىلارى كەڭەسىنىڭ كەلەسى وتىرىسى سوچيدە وتەدى.
